विश्वनाथ जांभूळकर एटापल्ली तालुका प्रतिनिधी
महाराष्ट्र संदेश न्युज ! ऑनलाईन एटापल्ली:- येथे गणेशोत्सवानिमित्त श्री सार्वजनिक नवयुवक गणेशोत्सव मंडळ बस स्थानक एटापल्ली आणि ब्लड बँकच्या सहकार्याने भव्य रक्तदान शिबिराचे आयोजन दिनांक 12 सप्टेंबर रोजी करण्यात आले आहे. गावात रक्ताचा तुटवडा भरुन काढण्यासाठी सार्वजनिक गणपती मंडळात रक्तदान शिबिराचे आयोजन करण्यात येत आहे. या उत्साहाच्या वातावरणात एका सकारात्मक ऊर्जेने मोठ्या संख्येत रक्तदान करा, तरी उद्या दिनांक 12 सप्टेंबर रोजी सकाळी 11:00 वाजता इच्छुक रक्तदात्यांनी श्री सार्वजनिक गणेशोत्सव मंडळ बस स्थानक एटापल्ली येथे उपस्थित राहावे असे आवाहन श्री सार्वजनिक नवयुवक गणेशोत्सव मंडळ बस स्थानक एटापल्लीच्या पदाधिकारी यांनी केले.
गावात रक्ताचा जाणवणारा तुटवडा भरुन काढण्यासाठी एक सकारात्मक पाऊल म्हणून श्री सार्वजनिक नवयुवक गणेशोत्सव मंडळ बस स्थानक एटापल्लीच्या वतीने हा उपक्रम सुरू करण्यात आला आहे. यावेळी इतर सर्व गणेश मंडळांनी देखील आपल्या गणपती मंडपात रक्तदान शिबिराचे आयोजन करून गणेशोत्सवानिमित्त सामाजिक बांधिलकी जपावी असे आवाहन यावेळी आयोजका कडून करण्यात आली आहे.
