आसमा सय्यद, पुणे जिल्हा प्रतिनिधी
महाराष्ट्र संदेश न्युज ! ऑनलाइन पुणे:- येथून एक धक्कादायक घटना समोर आली होती. येथे शुल्लक कारणावरून एका अल्पवयीन मुलाने एका व्यक्तीचा दगडाने ठेचून हत्या केली. या हत्येला कारण इतकंच होते की, मृत व्यक्तीने आरोपीच्या वडिलांना ‘टकल्या’ म्हटले त्यामुळे रागाच्या भरात दगडाने ठेचून हत्या केली. राजू लोहार वय 46 वर्ष असे हत्या करण्यात आलेल्या व्यक्तीचे नाव असून ही घटना वाघोली परिसरात आज दुपारी 1.30 वाजताच्या सुमारास घडली.
दारुच्या नशेत असलेल्या राजू लोहार यांनी आरोपी तरुणाच्या वडिलांना टकल्या म्हटले, याचा राग आल्याने या अल्पवयीन मुलाने त्यांची हत्या केली. या हत्ये प्रकरणी 16 वर्षीय अल्पवयीन आरोपीला पोलिसांनी अटक केली आहे.
मिळालेल्या माहितीनुसार, आरोपी मुलगा आणि हत्या करण्यात आलेले राजू लोहार दोघेही एकमेकांच्या ओळखीचे आहेत. वाघोलीतील दरेकर वस्ती परिसरातील राहिवासी आहेत. आज दुपारच्या सुमारास दोघेही दारू पिण्यासाठी बसले होते. दरम्यान, त्यांच्यामध्ये शुल्लक कारणावरुन वाद सुरु झाला. वडिलांना टकल्या म्हटल्याचा राग आल्याने अल्पवयीन मुलाने राजू लोहार याला मारहाण करण्यास सुरुवात केली. शेजारी असलेल्या दगडाने राजू लोहारने बेदम मारहाण करण्यात आली. यातच राजू लोहारचा मृत्यू झाला.
दारूच्या नशेत असलेल्या अल्पवयीन आरोपी अटक: या हत्येची माहिती वाघोली पोलिसांना मिळाली. माहिती मिळताच वाघोली पोलिस फौज फाट्यासह घटनास्थळी दाखल झाले. त्यानंतर दारूच्या नशेत असलेल्या अल्पवयीन आरोपीला पोलिसांनी अटक केली आहे. अल्पवयीन आरोपी विरोधात गुन्हा दाखल करण्याची प्रक्रिया सुरू आहे. मृत्यू झालेल्या राजू लोहार यांच्या मुलाने याप्रकरणी फिर्याद दिली आहे.
