मधुकर गोंगले, उपसंपादक.
मो. नं. 9420751809.
अहेरी : महाराष्ट्र प्रदेश काँग्रेस कमिटीचे महासचिव व गडचिरोली जिल्हा परिषदेचे माजी अध्यक्ष तथा विद्यमान संचालक मा.श्री.अजयभाऊ कंकडालवार यांनी जिल्हा परिषदेच्या कर्मचाऱ्यांच्या बेमुदत आंदोलन मंडपाला भेट देऊन त्यांच्या समस्या जाणून घेत त्यांच्या आंदोलनाला जाहीर पाठिंबा दर्शविली आहे.
गेल्या काही दिवसांपासून पंचायत समिती अहेरी कार्यालयासमोर विविध प्रलंबित मागण्यांसाठी सुरू असलेल्या कर्मचारी आंदोलनाला अजय कंकडालवार यांनी प्रत्यक्ष भेट देत आंदोलकांशी सविस्तर चर्चा केली.
कर्मचाऱ्यांच्या समस्या जाणून घेत त्यांनी त्या शासन दरबारी प्रभावीपणे मांडण्याचे आश्वासन दिले.पंचायत समिती अहेरी येथील कर्मचारी वेतनवाढ,प्रलंबित प्रशासकीय प्रश्न, सेवा अटींतील विसंगती,पदोन्नती विषयक अडचणी तसेच इतर न्याय्य मागण्यांसाठी आंदोलन करत आहेत.
या पार्श्वभूमीवर माजी जि.प.अध्यक्ष अजय कंकडालवार यांनी आंदोलनस्थळी भेट देऊन कर्मचाऱ्यांच्या प्रतिनिधींशी संवाद साधून आंदोलनाला जाहीर पाठिंबा दर्शविली आहे.
