ZRUCC सदस्य अजय दुबे यांनी मुम्बई बैठकीत बेकायदेशीर विक्रेत्यांचा मुद्दा उपस्थित केला होता, ज्यावर महाप्रबंधक धर्मवीर मीणा यांनी ठोस आश्वासन दिले होते.
सौ. हनिशा दुधे चंद्रपूर जिल्हा ग्रामीण प्रतिनीधी
महाराष्ट्र संदेश न्युज ! ऑनलाईन नागपूर:- मध्य रेल्वेच्या नागपूर विभागातर्फे प्रवाशांचे आरोग्य व स्वच्छता सुनिश्चित करण्यासाठी बेकायदेशीर विक्रेत्यांविरुद्ध मोहीम अधिक तीव्र करण्यात आली आहे. गेल्या दोन दिवसांत राबविण्यात आलेल्या विशेष तपास मोहिमेदरम्यान चंदीगड–मदुरै एक्सप्रेस, दक्षिण एक्सप्रेस तसेच दानापूरकडे जाणाऱ्या इतर गाड्यांमध्ये एकूण 26 बेकायदेशीर विक्रेत्यांना वाणिज्य निरीक्षकांनी अटक केली.
या विक्रेत्यांकडून कमी दर्जाची व चुकीच्या लेबलसह खाद्य व पेय पदार्थ विकले जात असल्याचे आढळून आले, जे प्रवाशांच्या आरोग्यास गंभीर धोका निर्माण करू शकतात.
श्री मित्तल वरिष्ठ विभागीय वाणिज्य प्रबंधक, नागपूर यांनी प्रवाशांना सतर्क राहण्याचे आवाहन केले असून, कोणतीही बेकायदेशीर विक्री दिसल्यास रेल्वेचा 24×7 हेल्पलाईन क्रमांक 139 वर त्वरित कळवावे, जेणेकरून अशा असुरक्षित व्यवहारांना आळा घालून सुरक्षित प्रवासाचे वातावरण तयार करता येईल.
