फेसबुकवर डॉ. आंबेडकर, प्रकाश आंबेडकर, रामदास आठवले यांच्यावर आक्षेपार्ह, शिवराळ भाषेत टीका करणाऱ्या पांडू सुर्यवंशी यांच्यावर कारवाई करून तात्काळ अटक करा.

वंचित बहुजन आघाडीचे सांगली जिल्हा पोलिसप्रमुखाना निवेदन…

उषाताई कांबळे, सांगली शहर प्रतिनिधी

महाराष्ट्र संदेश न्युज ! ऑनलाईन सांगली:- भारतीय राज्यघटनेचे शिल्पकार डॉ. बाबासाहेब आंबेडकर तसेच वंचित बहुजन आघाडीचे अध्यक्ष ऍड. प्रकाश आंबेडकर, सामाजिक न्याय मंत्री रामदास आठवले यांच्यावर फेसबुकच्या माध्यमातून आक्षेपार्ह, शिवराळ भाषेत टीका करून समाजा समाजात तेढ निर्माण करणाऱ्या पांडू सुर्यवंशी रा. अंकलखोप जिल्हा सांगली. या व्यक्तीवर अट्रोसिटी ॲक्ट अंतर्गत कायदेशीर कारवाई करावी. यासाठी वंचित बहुजन आघाडीने सांगली जिल्हा पोलिस प्रमुखाना निवेदन दिले.

डॉ. बाबासाहेब आंबेडकर यांची जयंती काही दिवसांवर असून, पवित्र रमजान महिना देखील सुरू झाला आहे तरी अशा काही विघ्नसंतोषी लोकांनी तोंड वर काढलेले दिसून येत आहे. अशा जातीवादी धार्मिक द्वेष पसरविण्याचे काम करीत असणारा “पांडू सुर्यवंशी (पांडूरंग मधुकर सुर्यवंशी)” या नराधमांचा ताबडतोब बंदोबस्त करावा, अन्यथा फुले शाहू आंबेडकर यांच्या चळवळीतील सर्व कार्यकर्त्यांना रस्त्यावर उतरून आशा नराधमांला धडा शिकवला लागले यांची नोंद घ्यावी, तसेच होणाऱ्या परिणामास पोलीस व जिल्हा प्रशासन जबाबदार राहील असे आशयाचे निवेदन देण्यात आले. यावेळी वंचित बहुजन आघाडी सांगली जिल्हाध्यक्ष महावीर कांबळे, योगेश साबळे, नाझिर हुसेन झारी, चंद्रकांत खरात, संजय कांबळे, मानतेश कांबळे, अतिश कांबळे, सुनील कांबळे, किरण कांबळे, रवींद्र लोंढे, दिपक कांबळे, पवन वाघमारे, आदी उपस्थित होते.