सागर शिंदे, वाशिम जिल्हा प्रतिनिधी
महाराष्ट्र संदेश न्युज ! ऑनलाईन वाशिम:- गेल्या काही दिवसांपूर्वी नगर परिषदेने शहरातील अतिक्रमण काढून, रस्त्यावर लघु व्यवसाय करणाऱ्यांच्या साहित्याची जप्ती केली जात आहे. लघु व्यावसायिकांना पर्यायी जागा उपलब्ध करून देत, त्यांच्यावरील अन्याय दूर करावा, अशी मागणी आम आदमी पार्टीचे जिल्हाध्यक्ष राम पाटील डोरले यांनी जिल्हाधिकारी यांच्याकडे निवेदनाद्वारे केली आहे.
आम आदमी पार्टीच्या वतीने जिल्हाधिकारी यांना दिलेल्या निवेदनात नमूद केले की, वाशिम जिल्हा हा देशात आकांक्षित जिल्ह्यांच्या क्रमवारीत 11 व्या स्थानावर आहे. त्यामुळे येथे रोजगाराच्या फारशा संधी नसल्यामुळे विकासाचा आलेख मंदावल्याचे दिसून येते. त्यात वाशिम जिल्ह्यातील नगर परिषदा व नगरपंचायतींनी शहरातील अतिक्रमण हटवून लघु व्यावसायिकांचा रोजगार हिरावला आहे. जिल्ह्यातील शहरांमध्ये गेल्या काही दिवसांपूर्वी अतिक्रमण हटविण्यात आले. परिणामी, शहरातील शेकडो हातगाडीवर लघु व्यवसाय करणाऱ्यांच्या कुटुंबावर उपासमारीची वेळ आली. एकीकडे नगर परिषद, नगरपंचायती लघु व्यावसायिकांकडून बैठक पट्टी वसूल करून घेते. त्यांच्याकरिता विविध योजना असल्याचे पॉम्प्लेट्सद्वारे जनजागृती करते. तर दुसरीकडे लघु व्यावसायिकांची छोटी दुकाने, हातगाड्या रस्त्याच्या कडेला लावल्या तर त्यांच्यावर जप्तीची कारवाई केली जाते, असा दुजाभाव प्रशासना कडून केला जात असल्यामुळे त्यांच्यावर होणारा अन्याय दूर करण्याची मागणी या निवेदनाद्वारे करण्यात आली.
अतिक्रमण हटाव मोहिम फक्त गोर-गरिबांसाठीच का? अतिक्रमण मोहिम फक्त गोर – गरिब हातगाडीवर लघु व्यवसाय करणाऱ्यांसाठीच राबविण्यात आली. शहरातील धनदांडगे, राजकीय वरदहस्त लाभलेल्यांच्या अतिक्रमणाला धक्का सुद्धा लावण्यात आला नाही. त्यामुळे जिल्हा प्रशासनाने याकडे देखील लक्ष देणे गरजेचे असल्याची बाब या निवेदनात नमूद केली आहे.
देवेंद्र सिरसाट हिंगणा तालुका नागपूर प्रतिनिधी महाराष्ट्र संदेश न्युज ! ऑनलाईन नागपूर:- महाराष्ट्र राज्याचे मुख्यमंत्री…
मानवेल शेळके नाशिक जिल्हा प्रतिनिधी महाराष्ट्र संदेश न्युज ! ऑनलाईन नाशिक:- येथून एक खळबळजनक घटना…
* सरकारच्या अपयशाचा मांडणार लेखाजोखा* मधुकर गोंगले,गडचिरोली जिल्हा प्रतिनिधी.मो. नं.9420751809 गडचिरोली :: गडचिरोली जिल्हा काँग्रेस…
मुकेश चौधरी कार्यकारी संपादक महाराष्ट्र संदेश न्युज ! ऑनलाईन हिंगणघाट:- दिनांक: 17 सप्टेंबर 2024 रोज…
खासदार अमर काळे, प्रदेश सरचिटणीस अतुल वांदिले यांच्या उपस्थितीत केला राष्ट्रवादित पक्ष प्रवेश. मुकेश चौधरी…