छत्रपती शिवाजी महाराज यांच्या विषयी आक्षेपार्ह भाषेत वक्तव्य, आरोपीला पोलिसांनी ठोकल्या बेड्या.

विश्वास तीभुवन, अहमदनगर जिल्हा प्रतिनिधी

महाराष्ट्र संदेश न्युज ! ऑनलाईन अहमदनगर:- येथून एक संतापजनक प्रकार समोर आला आहे. येथील एका तरुणाने रयतेचे राजे छत्रपती शिवाजी महाराज यांच्या विषयी आक्षेपार्ह वक्तव्य करून ते सोशल माध्यमावर व्हायरल केल्याची प्रकार समोर आला असून या गुन्ह्यातील आरोपीला स्थानिक गुन्हे शाखेच्या पथकाने शनिवारी (दि.5) ऑगस्ट रोजी रात्री ताब्यात घेतले. अरमान नईम शेख रा.मुकुंदनगर असे अटक केलेल्या आरोपीचे नाव असून न्यायालयाने त्याला 9 ऑगस्ट पर्यंत पोलीस कोठडी सुनावली आहे.

अरमान नईम शेख या आरोपीने छत्रपती शिवाजी महाराज यांच्या विषयी आक्षेपार्ह भाषेत बोलने रेकॉर्ड करून ती क्लिप सोशल माध्यमावर व्हायरल केली. ही क्लिप व्हायरल होताच आरोपीला एका व्यक्तीने फोन करून याबाबत विचारणा केली असता त्याने पुन्हा आक्षेपार्ह भाषेत आक्षेपार्ह व्यक्तव्य केले. दरम्यान सदरची ऑडिओ क्लिप सोशल मीडियावर व्हायरल होताच याची माहिती जिल्हा पोलीस अधीक्षक ओला यांना मिळाली. त्यांनी गुन्हे शाखेच्या पथकाला तपास करण्याच्या सूचना दिल्या.

निरिक्षक दिनेश आहेर यांच्या मार्गदर्शनाखाली पथकाने तांत्रिक विश्लेषण करत सदरची ऑडिओ क्लिप करणाऱ्या अरमान शेख याला अर्धा तासात नगर शहरातून ताब्यात घेतले. त्याला भिंगार कॅम्प पोलिसांच्या ताब्यात देण्यात आले असून त्याच्या विरोधात कलम 295, अ, 152 व 505 कलमातंर्गत गुन्हा दाखल करण्यात आला आहे. दरम्यान गुन्हा दाखल झाल्यानंतर जिल्हातील अनेक संघटनेच्या कार्यकर्त्यांनी भिंगार कॅम्प पोलीस स्टेशन येथे गर्दी करत निषेध नोंदवत आरोपीवर कठोर कारवाई करण्यात यावी अशी मागणी केली.

आपल्या परिसरातील बातम्या करीता आजच संपर्क साधावा प्रशांत जगताप संपादक 7385445348