आमदार समीर कुणावार यांना हिंगणघाट उपजिल्हा रुग्णालयातील आरोग्यविषयक प्रश्नांबाबत रूग्णमित्र गजु कुबडे यांचे खुले आव्हान.

मुकेश चौधरी कार्यकारी संपादक

महाराष्ट्र संदेश न्युज ! ऑनलाईन हिंगणघाट:- हिंगणघाट मतदार संघाचे आमदार समीर कुणावार यांनी हिंगणघाट येथील उपजिल्हा रुग्णालयात सुरू असलेल्या अनागोंदी कारभार व सुविधांच्या संदर्भात त्वरीत लक्ष देऊन कार्यसम्राट असल्याचे सिद्ध करून दाखवावे असे खुले आव्हान प्रहारचे रूग्ण मित्र गजु कुबडे यांनी एका पत्रकातून दिले आहे.

या पत्रकात पुढे म्हंटले आहे की, आ.कुणावार यांना येथील गोरगरिब जनतेचा कळवळा असेल तर या गावातील गिरणी कामगार, शेतकरी व शेतमजूर यांच्या विषयी जिव्हाळा, माया ममता असेल तर असेल तर व ते खरच कर्तव्यनिष्ठ कार्यसम्राट आमदार असाल तर हिंगणघाट येथील उपजिल्हा रुग्णालयात, छोट्या मुलांचे डॉक्टर, सोनोग्राफी चालविणारे डॉक्टर, जनरल फिजिशियन डॉक्टर व महत्वाचे रोगराईचे मुख्य कारण असलेल्या साफसफाई करिता उपजिल्हा रुग्णालयात सफाई कामगार यांची भरती एक महिन्यात पूर्ण करून दाखवा व मगच तुम्ही खरे कार्यसम्राट असल्याचे दिसून येईल व येथील जनता तुम्हाला कार्यसम्राट म्हणून डोक्यावर घेऊन नाचेल. असा उपरोधिक टोला गजू कुबडे यांनी लगावलेला आहे.

जनतेच्या मूलभूत व जीवनावश्यक गरजा पूर्ण न करता स्वत:चे तोंडाने स्वतः ला कार्यसम्राट म्हणवून घेऊन फुशारकी मारू नका व हिम्मत असेल तर माझे आव्हान स्वीकारून दाखवा. असे खुले आव्हान गजू कुबडे यांनी दिले आहे.