हिंदुहृदयसम्राट बाळासाहेब ठाकरे यांना जयंती दिनी शिवसेनेच्या वतीने अभिवादन.

मुकेश चौधरी कार्यकारी संपादक

महाराष्ट्र संदेश न्युज ! ऑनलाईन वर्धा:- शिवसेनेचे संस्थापक हिंदुहृदयसम्राट वंदनीय बाळासाहेब ठाकरे यांच्या जयंती दिनी जिल्हा शिवसेनेच्या वतीने अभिवादन करण्यात आले.
बाळासाहेब ठाकरे यांच्या जयंती निमित्ताने जिल्हा कार्यालयात (दि.२३ जानेवारी) रोजी जिल्हाप्रमुख गणेश इखार यांचे नेतृत्वात बैठकीचे आयोजन करण्यात आले होते. या बैठकीला महिला आघाडी जिल्हाप्रमुख वंदना भुते यांची प्रमुख उपस्थिती होती.

यावेळेस जिल्हाप्रमुख गणेश इखार तसेच महिला आघाडी जिल्हाप्रमुख वंदना भुते यांचे हस्ते दीप प्रज्वलन करून वंदनीय बाळासाहेब ठाकरे तसेच छत्रपती शिवाजी महाराज यांच्या प्रतिमेला हारार्पण करून अभिवादन करण्यात आले. यावेळी उपस्थितांनी बाळासाहेब ठाकरे व छत्रपती शिवाजी महाराज यांचा जयघोष करत बाळासाहेब ठाकरे व छत्रपती शिवाजी महाराज यांच्या प्रतिमेला पुष्पार्पण करून अभिवादन केले.

या कार्यक्रमाला युवासेना जिल्हाप्रमुख निखिल सातपुते, जिल्हा प्रसिद्धी प्रमुख दिलीप भुजाडे, जिल्हा संघटक संदीप इंगळे, उपजिल्हा प्रमुख नितीन देशमुख, तालुका प्रमुख राहुल चहांदे, शेतकरी सेना जिल्हाप्रमुख विवेक ठाकरे, युवासेना शहरप्रमुख मयूर ढाकरे, उपतालुका प्रमुख मारोती जगताप, शहर प्रमुख अनिकेत जगताप, युवासेना उपजिल्हा प्रमुख मंगेश भोंगाडे, योगेश मुंजेवार, शिवसेना वैद्यकीय सेवा समन्वयक शाफिया इनामदार यांची उपस्थिती होती.