एटापल्ली तालुक्यातील तुमरगुंडा येथे ट्रॅक्टर व दुचाकींचा भीषण अपघात, बाप लेकीचा दुर्दैवी मृत्यू, गावावर शोककळा.

विश्वनाथ जांभूळकर एटापल्ली तालुका प्रतिनिधी

महाराष्ट्र संदेश न्युज ! ऑनलाईन एटापल्ली:- एटापल्ली तालुक्यातून एक भीषण अपघाताची घटना समोर आली आहे. येथील तुमरगुंडा महादेव मंदिराजवळ सकाळी 11.00 वाजताच्या सुमारास ट्रॅक्टर व दुचाकीचा भीषण अपघात झाला. हा अपघात इतका भीषण होता की, यात दुचाकी स्वाराचा जागीच मृत्यू झाला तर एक महिला गंभीर जखमी झाली होती.

या अपघातात जागीच मृत झालेले राजु झुरु आत्राम वय 45 वर्ष हे आपल्या मुलीबरोबर करिश्मा राजु आत्राम वय 18 वर्ष हे आपल्या दुचाकी ने जात असताना हा भीषण अपघात झाला यात राजु झुरु आत्राम यांचा जागीच मृत्यू झाला तर मागे बसून असलेली करिश्मा आत्राम ही या अपघातात गंभीर रित्या जखमी झाली होती तिला उपचारासाठी चंद्रपूर येथे नेत असताना चामोर्शी जवळ करिश्मा राजु आत्राम हिनेही अंतिम श्वास घेतला. या घटनेमुळे संपूर्ण गावात हळहळ व्यक्त करण्यात येत आहे.

सदर ट्रॅक्टर हा सिमेंटच्या पोत्याने लादलेली व लोखंडी पोल नी भरली होती. दोघेही बाप-लेक कामानिमित्त एटापल्ली येत असताना महादेव मंदिर क्रॉसिंग जवळ हा भीषण अपघात झाला. या अपघाताची माहिती पोलिसांना कळताच पोलीस अधिकारी घटनास्थळी दाखल झाली आणि मृत्युदेहाचा पंचनामा करून मृतदेह शविच्छेदनासाठी रुग्णालयात पाठविण्यात आला. घटनेचा पुढील तपास आलदंडी पोलीस करत आहे.