पाणी पुरवठा दुसऱ्यांदाही ठरली कुचकामी, उपसरपंच रोशन कंबगौनीवार यांचा आंदोलनाचा इशारा.
मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन अहेरी:- पंचायत समिती अंतर्गत येत असलेल्या राजाराम ग्रामपंचायतच्या आवारात जल जीवन मिशन अंतर्गत सन 2022 2023 साली पाण्याची टाकी उभारली गेली. गावात नळ योजना पूर्ण घरापर्यंत पोहोचलेली नसताना देखील, ज्या अर्धवट घरापर्यंत पोचली होती तेथील नागरिकांच्या दारात गढूळ पाणी येतानाच संबंधित प्रशासक व सचिव यांनी संगणमत करून त्यांच्यामार्फत काम पूर्ण व योग्य झाल्याचे कंत्राटदार यांना प्रमाणपत्र देण्यात आले. यावरून असे दिसते की, कंत्राटदार, प्रशासक व सचिव यांच्या संगनमताने सदर काम पूर्ण व योग्य झालेले आहे अशी वरच्या स्तरावर माहिती पोहोचविण्यात आली. टाकी बांधकाम व नळ जोडणी काम पूर्णतः निकृष्ट दर्जाचे व निकृष्ट साहित्य वापरून करण्यात आलेले असून, संपूर्ण काम योग्य दर्जाचे साहित्य वापरून व चांगल्या पद्धतीने करून पाणीपुरवठा नियमितपणे सुरू करावा. अन्यथा संबंधित विभाग कार्यालयासमोर आंदोलन उभारण्यात येईल असा इशारा राजाराम ग्रामपंचायतचे उपसरपंच रोशन कबगोनिवार, तसेच ग्रामपंचायत सदस्य व गावातील नागरिक यांनी दिला आहे.
दहा वर्षांपूर्वीही ग्रामीण पाणी पुरवठा विभागा कडून पाणी टाकी बांधकाम करण्यात आलेले होते, त्याचा देखील नागरिकांना उपयोग झाला नाही आणि सध्या बांधकाम करण्यात आलेल्या पाणी टाकीचा देखील नागरिकांना उपयोग होत नसल्याचे दिसत आहे. शासनाचे कोट्यावधी रुपये खर्च होऊन देखील नागरिकाना पाण्यापासून वंचित राहावे लागत आहे.
राजाराम ग्रामपंचायतच्या आवारात निर्माण केलेली पाणी टाकी व नळ योजना कूचकामी झाल्याची नागरिकांमध्ये सध्या चर्चा सुरू आहे. ग्रामीण भागातील विकासाकरिता शासन अनेक योजना अमलात आणतात परंतु असे कुचकामी ठरणाऱ्या कामामुळे योजनेचा बट्याबोळ होतो. यात दोष कुणाचा.? कंत्राटार की यंत्रणा.? असे प्रश्न आता निर्माण होत आहे.
तत्कालीन ग्रामपंचायत प्रशासक व सचिव यांनी पाणीपुरवठा काम पूर्ण झाल्याचे दिलेले जुने प्रमाणपत्र रद्द करून संबंधित कंत्राटदार यांनी तात्काळ पाणी पुरवठा व नळ जोडणीचे काम सुरू करून सुरळीतपणे पाणीपुरवठा करावा. अन्यथा संबंधित विभाग कार्यालयासमोर ग्रामपंचायतच्या वतीने आंदोलन करण्यात येईल असा इशारा राजाराम ग्रामपंचायतचे उपसरपंच रोशन कबगोनिवार, ग्रामपंचायत सदस्य व नागरिक यांनी दिला आहे.
देवेंद्र सिरसाट हिंगणा तालुका नागपूर प्रतिनिधी महाराष्ट्र संदेश न्युज ! ऑनलाईन नागपूर:- महाराष्ट्र राज्याचे मुख्यमंत्री…
मानवेल शेळके नाशिक जिल्हा प्रतिनिधी महाराष्ट्र संदेश न्युज ! ऑनलाईन नाशिक:- येथून एक खळबळजनक घटना…
* सरकारच्या अपयशाचा मांडणार लेखाजोखा* मधुकर गोंगले,गडचिरोली जिल्हा प्रतिनिधी.मो. नं.9420751809 गडचिरोली :: गडचिरोली जिल्हा काँग्रेस…
मुकेश चौधरी कार्यकारी संपादक महाराष्ट्र संदेश न्युज ! ऑनलाईन हिंगणघाट:- दिनांक: 17 सप्टेंबर 2024 रोज…
खासदार अमर काळे, प्रदेश सरचिटणीस अतुल वांदिले यांच्या उपस्थितीत केला राष्ट्रवादित पक्ष प्रवेश. मुकेश चौधरी…