तळणी येथील वाळू विक्री डेपो सुरू, पुर्णेतील चारही वाळू विक्री डेपोतुन सर्वसामान्यांना सहज मिळणार वाळू.

रविंद्र भदर्गे, जालना जिल्हा प्रतिनिधी

महाराष्ट्र संदेश न्युज ! ऑनलाईन मंठा:- पुर्णा नदीकाढच्या सासखेडा व टाकळखोपा येथील वाळू डेपो नंतर तळणीच्या वाळू विक्री डेपोचा शुभारंभ युवा उद्योजक शरद पाटील, तळणीचे सरपंच गौतम सदावर्ते यांच्या हस्ते (ता.११) रोजी करण्यात आला. या वाळू विक्री डेपोमुळे सर्वसामान्यांना सहज वाळू मिळणार आहे.

मंठा तालुक्यातील पुर्णा नदीकाढच्या सासखेडा, टाकळखोपा व तळणी येथील वाळू विक्री डेपो सुरु झालेत. याप्रसंगी राजाभाऊ तांबे, नानासाहेब खंदारे, बाळासाहेब गायकवाड, गजानन कांगणे, प्रदिप चाटे, कृष्णा खंदारे, कृष्णा वाघमोडे, महादेव माने, प्रभाकर मोरे, किशोर खंदारे, कैलास सोनूने , अमित तांबे, नानासाहेब तांबे, बन्टी तांबे यांच्यासह अनेकांची उपस्थिती होती.

वाळू विक्री डेपोमूळे सहज वाळू मिळेल – तांबे
सासखेडा, टाकळखोपा व तळणी येथील वाळू विक्री डेपोमुळे सर्वसामान्यांना स्वस्तात व सहज वाळू उपलब्ध होणार आहे. वाळू डेपोमुळे ट्रान्सपोर्ट व बांधकाम क्षेत्राला चालना मिळेल. या क्षेत्रातील बहुतांशी लोकांना हातात कामे उपलब्ध होणार असल्याचे राजाभाऊ तांबे यांनी सांगितले.
वाळू उत्खनानासाठी मजुर मिळेना.

पुर्णा काढच्या तीनही वाळू डेपो सुरू झालेत. मात्र, ठरावीक लोकांना वाळू मिळत असल्याच्या तक्रारी आहेत. नदीपात्रातुन डेपो पर्यंत वाळू उत्खनानासाठी मजुरांची टंचाई जाणवत आहे . त्यामुळे वाळू साठा होत नसुन बुकिंग करण्यासाठी अडचणी येत आहेत. डेपोधारक व प्रशासनाने यावर तोडगा काढुन लानलाईन किंवा ऑफलाइन नोंदणी करून सहज वाळू उपलब्ध करून द्यावी . अशी मागणी सामाजिक कार्यकर्ते बाळासाहेब गायकवाड यांनी केली.