राष्ट्रीय स्वयंसेवक संघ हिंगणघाट नगरचा विजयादशमी उत्सव रविवारला होणार साजरा.

मुकेश चौधरी कार्यकारी संपादक

महाराष्ट्र संदेश न्युज ! ऑनलाईन हिंगणघाट:- राष्ट्रीय स्वयंसेवक संघातर्फे प्रतिवर्षाप्रमाणे रविवार दि.13 ऑक्टोबर 2024 रोजी सायंकाळी 6 वाजता शहरातील गोकुलधाम मैदान या स्थानी विजयादशमी उत्सवाचे आयोजन करण्यात आले आहे.

राष्ट्रहित, शक्तिसंचयन आणि सेवाकार्यासाठी सदैव कटिबद्ध असणाऱ्या राष्ट्रीय स्वयंसेवक संघातर्फे दरवर्षी विजयादशमी उत्सवाचे आयोजन केले जाते. यावर्षी हिंगणघाट नगरातील शहरातील मोठ्या संख्येने स्वयंसेवक आणि नागरिक या उत्सवात सहभागी होणार आहेत. या वेळी शारीरिक, घोष प्रात्यक्षिके, गीत गायन या सामूहिक कार्यक्रमांसह पारंपरिक शस्त्रपूजन, वक्त्यांचे मार्गदर्शन लाभणार असून विविध क्षेत्रांतील मान्यवर प्रामुख्याने उपस्थित राहणार आहेत. विजयादशमी कार्यक्रमाचे प्रमुख वक्ते म्हणून राष्ट्रीय स्वयंसेवक संघाच्या संस्कृत भारती विभागाचे अखिल भारतीय संपर्क प्रमुख श्रीशजी देवपुजारी तसेच प्रमुख अतिथी म्हणून गुजराती समाज हिंगणघाटचे अध्यक्ष हरीराय पटेल उपस्थित राहणार आहे, हिंगणघाट नगरातील स्वयंसेवाकाचे पथसंंचालन दि.१3 ऑक्टोबर रोजी सायंकाळी 4.30 वाजता गोकुलधाम मैदानाहून पथसंचलनाचे देखील आयोजन करण्यात आले असून जास्तीत जास्त नागरिकांनी या कार्यक्रमात सहभागी व्हावे असे आवाहन संघाचे नगर संघचालक विनोद नांदुरकर, नगर कार्यवाह शामसुंदर मेघरे, नगर सहकार्यवाह पंकज आत्राम यांनी केले आहे.