नागपूर शहरातील एका लॉज मध्ये गळफास घेतलेल्या अवस्थेत तरुणाचा मृतदेह मिळाल्याने माजली खळबळ.

पल्लवी मेश्राम उपसंपादक नागपूर

महाराष्ट्र संदेश न्युज ऑनलाइन नागपूर:- येथून एक खळबळजनक घटना समोर आली आहेत. येथील गणेशपेठ पोलीस स्टेशनच्या हद्दीत येणाऱ्या धम्मदीप नगर येथील श्री गणेश लॉजमध्ये एका युवकाचा मृतदेह दोरीला लटकलेल्या अवस्थेत आढळून आल्याने खळबळ माजली आहे. मृत युवकाचे नाव कुणाल नारखेडे रा. जळगाव असे असून तो दोन दिवसांपूर्वीच या लॉजमध्ये राहण्यासाठी आला होता.

प्राप्त माहितीनुसार, कुणाल नारखेडे हा तरुण दोन दिवसापूर्वी श्री गणेश लॉजमध्ये राहत होता. दोन दिवसापासून लॉजच्या रूममधून कर्मचाऱ्यांना प्रतिसाद न मिळाल्याने दरवाजा उघडला असता, मृतदेह दोरीला लटकलेल्या अवस्थेत दिसून आला. या घटनेची लगेच माहिती गणेशपेठ पोलिसांना देण्यात आली. माहिती मिळताच पोलिसांनी घटनास्थळी धाव घेतली.

पोलिसांना प्रथमदुष्ठ देह कुजण्यास सुरुवात झाल्याचे दिसून आला. त्यानंतर पोलिसांनी घटनास्थळ मृतुदेहाचा पंचनामा करून मृतदेह शविच्छेदनासाठी रुग्णालयात पाठवला आहे. मृत्यूचे नेमके कारण शोधण्यासाठी पुढील तपास सुरू आहे. दरम्यान, या घटनेमुळे परिसरात खळबळ उडाली आहे.