पंकेश जाधव पुणे ब्यूरो चीफ
दौंड :-पुणे जिल्ह्यातील दौंड तालुक्यातील पारगाव येथे एका कुटुंबातील सात जणांनी सामूहिक आत्महत्या केल्याचे वृत्त राज्यभर पसरले होते, परंतु या आत्महत्या प्रकरणाला वेगळेच वळण मिळाले आहे. या सात जणांचे मृतदेह सात दिवसांमध्ये थोडे थोडे मिळत गेले होते. पोलिसांनी याबाबतचा अधिक तपास केला असता या आत्महत्या नसल्याचे गुढ उकलले आहे. मृत व्यक्तींच्या घरातीलच त्यांच्या चुलत भावाने या सर्व हत्या केल्याचे उघडकीस आले आहे. याप्रकरणी चार संशयित आरोपींना पोलिसांनी अटक केलेली आहे. या प्रकरणाचा तपास पुणे जिल्हा पोलीस अधीक्षक हे स्वतः लक्ष घालून करीत आहेत. या घटनेची सविस्तर माहिती आज दुपारी जिल्हा पोलीस अधीक्षक स्वतः सर्व माध्यमांसमोर मांडणार आहेत.
