नितीन शिंदे, मुंबई महानगर प्रतिनिधी
मो. 9892250402
महाराष्ट्र संदेश न्युज ! ऑनलाईन ठाणे:- 9 फेब्रुवारी रोजी महाराष्ट्र राज्याचे मुख्यमंत्री एकनाथ शिंदे यांचा वाढदिवस बाळासाहेबांच्या शिवसेना (शिंदे) गटाकडून साजरा करण्यात येत आहे. त्यात आज ठाणे शहरातील किसन नगर येथे मुख्यमंत्री एकनाथ शिंदे यांच्या जुन्या मित्र परिवार व सहकाऱ्यांच्या वतीने वाढदिवस मोठ्या उत्साहात आणि आनंदात साजरा करण्यात आला.
मुख्यमंत्री एकनाथ शिंदे यांच्या वाढदिवसा निमित्त ठाणे विभागातील शालेय विद्यार्थ्यांना वह्यां बुकचे वाटप करण्यात आले. याप्रसंगी ठाण्यातील बहुविकलांग मुलांचे संगोपन करणाऱ्या स्वयम या संस्थेच्या विशेष मुलांच्या साथीने केक कापून वाढदिवस साजरा केला. तसेच किसन नगर येथे आयोजित करण्यात आलेल्या भजन सप्ताहाला देखील एकनाथ शिंदे यांनी भेट दिली.
यावेळी मुख्मंत्र्यांनी एकनाथ शिंदे यांच्या पत्नी सौ. लता शिंदे, माजी नगरसेवक राम रेपाळे, माजी नगरसेवक प्रकाश शिंदे, विभागप्रमुख बबन मोरे, स्वयम संस्थेचे संचालक नीता आणि राजीव देवळालकर आणि बाळासाहेबांची शिवसेना पक्षाचे सर्व स्थानिक पदाधिकारी, सहकारी आणि नागरिक मोठ्या संख्येने उपस्थित होते.
