मानवेल शेकळे, नाशिक जिल्हा प्रतिनिधी
महाराष्ट्र संदेश न्युज ! ऑनलाईन नाशिक:- येथून एक दुर्दैवी घटना समोर आली आहे. लग्नाच्या 21 वर्षांनी वर्षांनी पाळणा हालणार होता पण नियतीने मात्र दुर्दैवी घाव घालत आनंदाचे वातावरण शोकाकुळ केलं. नाशिक शहरात एका गर्भवती असेलेल्या महिलेचा मृत्यू झाला आहे. तिच्या गर्भात असलेल्या दोन जुळ्या बाळांचा देखील त्यात मृत्यू झाला आहे. भोवळ येऊन पडल्याने तिचा मृत्यू झाला आहे. पूजा मोराणकर असं मृत्युमुखी पडलेल्या गर्भवती महिलेचे नाव आहे. इंदिरानगर पोलीस ठाण्यात याबाबत मृत्यूची नोंद करण्यात आली आहे. मात्र, या घटनेने संपूर्ण शहरात हळहळ व्यक्त केली जात आहे.
काय आहे घटना…
पूजा मोराणकर शुक्रवारी सकाळी घरातील काम करीत होत्या, काम आवारत असतांना त्या बाथरूममध्ये गेल्या, बाथरूममधून त्या बाहेर आल्या आणि त्यांना भोवळ आली. पूजा या लागलीच जमिनीवर कोसळल्या. त्या पडल्याचा आवाज आल्याने घरात असलेले वडील रमेश चिंतामण पाखले आणि बहीण होती. त्यांनी लागलीच त्यांना उठवून दवाखान्यात नेण्याची हालचाल केली.
उपचारासाठी जात असतांना दुसऱ्यांदा भोवळ-
पूजा यांना भोवळ आल्याचे पाहून वडिलांनी आणि बहिण यांनी पूजा यांना पाथर्डी फाटा येथील वक्रतुंड रुग्णालयात नेण्यात आले. रुग्णालयाच्या पायऱ्या चढत असतांना दुसऱ्यांदा भोवळ आली. त्या पुन्हा जागीच कोसळल्या. यामध्ये त्यांचाही मृत्यू झाला असून त्यांच्या गर्भात असलेल्या दोन्ही मुलांचाही मृत्यू झाला आहे. 45 वर्षीय पूजा यांचा मृत्यू झाला आहे.
पूजा मोराणकर यांना लग्नाच्या 21 वर्षांनी बाळ होणार होते. त्यामध्ये दोन जुळ्या बाळांना पूजा जन्म देणार होत्या. त्यामुळे सर्वत्र आनंदाचे वातावरण निर्माण झाले होते. अशातच पूजा यांना भोवळ आल्याने त्या दोनदा जमिनीवर कोसळल्या त्यामध्ये त्यांच्यासहित गर्भातील बाळांचा मृत्यू झाला आहे. मोराणकर आणि पाखले कुटुंबीयावर दु:खाचा डोंगर कोसळला असून हृदयद्रावक घटनेने सर्वत्र हळहळ व्यक्त केली जात आहे.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
