मंगेश जगताप, मुंबई (विक्रोळी) प्रतिनिधी
महाराष्ट्र संदेश न्युज ! ऑनलाईन मुंबई,दि.10 मार्च:- पवई पोलीस ठाण्याच्या हद्दीतील मिलिंदनगर म्हाडा, साईबाबा मंदिराजवळ पवई, मुंबई येथे एक बेवारस मृतदेह मिळून आला आहे. त्याच्या नातेवाईकांचा शोध लागत नसल्याने नातेवाईकांनी संपर्क करुन मृतदेहाची ओळख पटवावी, असे आवाहन पवई पोलिसांनी केले आहे.
पवई पोलिसांनी याप्रकरणी अकस्मात मृत्यु 16/2023 सीआरपीसी 174 प्रमाणे नोंद केली आहे. सदर मयत इसम बेवारस मिळून आला असून पवई पोलिसांना या मयताच्या नातेवाईकांबाबत काहीच माहिती नाही. बेवारस मयत पुरूष इसमाचे वर्णन वय अंदाजे 35 वर्षे, उंची – 5 फुट 6 इंच, 40 ते 45 कि.ग्रॅ., नाक – सरळ, चेहरा रंग सावळा, बांधा – सडपातळ, डोक्यावर वाढलेले काळे केस, मिशी पांढरी काळी वाढलेली दादी काळी पांढरी वाढलेली, चेहरा उभट असे वर्णन आहे. तरी या इसमाबाबत कुणास काही माहिती असल्यास पवई पोलिस ठाण्याशी संपर्क साधावा असे आवाहन गणेश हजारे, परी पोलीस उपनिरीक्षक, पवई पोलीस ठाणे, मुंबई यांनी केले आहे.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
