बैल व्यापारी, परिसरातील विक्रेते, घेणार, देणार ग्राहकांच्या दिवस बदली मागणीला ग्रामपंचायतीचा होकार: सरपंच देविदास सातपुते
राजेंद्र झाडें, चंद्रपूर उपजिल्हा प्रतिनीधी
मो नं 9518368177
महाराष्ट्र संदेश न्युज ! ऑनलाईन पोडसा, दि.३० मार्च:- चंद्रपूर जिल्ह्यातील गोंडपिपरी तालुक्यात येत असलेल्या तेलंगाना सीमेलगत पोडसा हे गाव आहे.१९ मार्च २०२३ रोजी पोळसा या गावात आठवडी बैल बाजाराचा शुभारंभ झाला. दर रविवारी पोडसा येथे आठवडी बैल बाजाराला सुरुवात झाली. जवळपास १९ तारखेला व २६ तारखेला असे दोन बाजारं आनंदात पार पडले. दोन्ही बैल बाजार विक्रेते, व्यापारी व ग्राहकांच्या उत्स्फूर्त प्रतिसादात भरले.सोबतच ग्रामपंचायतने बैल बाजारच्या एकूण उत्पन्नाच्या माध्यमातून महिला सक्षमीकरणासाठी ग्राम संघाला २५% रक्कम विनापरतीने देण्याचा अविस्मरणीय निर्णय घेतला आहे तो कायम आहे.
दरम्यान परिसरातील व्यापारी, विक्रेते, बैल घेणारे, बैल विकणारे ग्राहक यांनी आठवडी बैल बाजाराचा भरविण्याचा दिवस रविवार ऐवजी शनिवारला आठवडी बैल बाजार भरवावा. जेणेकरून पूर्वीपेक्षा बाजाराला उधान येईल आणि ग्राहकांचा उत्स्फूर्त प्रतिसाद मिळेल.करिता दिवस बदली करावी अशी विनंती पोडसा ग्रामपंचायतीला केली. परिसरातील व्यापारी विक्रेते व ग्राहकांच्या या मागणीची दखल घेऊन त्यांच्या निर्णयाला सहमती देत पोडसा येथील आठवडी बैल बाजार रविवार ऐवजी शनिवारला भरविण्याचा निर्णय घेतलेला आहे.
त्यामुळे परिसरातील बैल व्यापारी, बैल विक्रेते, बैल घेणारे व विकणारे यांनी येत्या १ एप्रिल म्हणजेच शनिवार पासून पोडसा येथे बैल बाजार भरत असल्यामुळे रविवार ऐवजी शनिवारला बैल बाजारात हजेरी लावावी. अशी माहिती सोशल मीडियाच्या माध्यमातून पोडसा ग्रामपंचायतचे सरपंच देविदास सातपुते यांनी दिली.
