मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- आलापल्ली वनविभागाअंतर्गत येत चर असलेल्या, आलापल्ली वनपरिक्षेत्रा मध्ये गुरे प्रतिबंधक चर (TMC) खोदकामात मोठया प्रमाणात आर्थिक अनियमितता, भ्रष्टाचार, बनावट मजूर, बनावट कागदपत्राचा वापर करून वरिष्ठाची तथा शासनाची दिशाभूल झालेली असल्यामुळे त्याची सविस्तर चौकशी करून जबाबदार कर्मचारी तथा अधिकारी वर्गाना निलंबित करून त्यांच्या वरती फौजदारी गुन्हे दाखल करणे करिता, दि. 26 डिसेंबर 2022 ला वनसंरक्षक (प्रादेशिक), गडचिरोली वनवृत्त, गडचिरोली तथा वरिष्ठाकडे तक्रार केलेली होती. तो तक्रारअर्ज त्यांनी उपवनसंरक्षक, आलापल्ली वनविभाग, आलापल्ली यांच्याकडे अग्रेषित करून तक्रारीत नमूद बाबीच्या अनुषंगाने नियमानुसार चौकशी करून आवश्यक कार्यवाही करावी व केलेल्या कार्यवाहीचा वास्तूतिथी दर्शक अहवाल आपल्या अभिप्रायासह तात्काळ त्यांचे कार्यालयास सादर करण्याचे त्यांना आदेशित केलेले होते.
मिळालेल्या आदेशाच्या अनुषगाने उपवनसंरक्षक, आलापल्ली यांनी एका चौकशी अधिकाऱ्याची नियुक्ती केलेली होती. त्याला आज जवळ पास 4 महिन्याचा कालावधी झालेला असतांनाही सदर चौकशी अहवाल हा उपवनसंरक्षक, आलापल्ली वनविभाग, आलापल्ली, वनसंरक्षक (प्रादेशिक), गडचिरोली वनवृत्त, गडचिरोली, पोलीस अधीक्षक, गडचिरोली तथा तक्रारकर्ता म्हणून मला आजही अप्राप्त आहे.करिता सदर चौकशी मिळणे करिता मला शेवठी माहितीच्या अधिकाराचा वापर करावा लागला. वरिष्ठ अधिकाऱ्यांचे आपल्या अधिनस्थ कनिष्ठ अधिकारी तथा कर्मचाऱ्यावरती नियंत्रण नाही, त्यामुळेच तर वनसंरक्षक तथा उपवनरक्षक यांचे आदेशाला त्यांचेच अधिकारी तथा कर्मचारी जुमानत नाहीत, त्यांचे आदेशाचे पालन करित नाहीत. ही फारच गंभीर स्वरूपाची बाब असून ते शिस्तभंगाच्या कार्यवाहीस पात्र आहेत. चौकशी अधिकारी हे रमत गंमत, हसत खेळत, चाल ढक्कल करित, फुल टाईमपास करित अहवाल सादर करतीलच, तो चौकशी अहवाल प्राप्त झाल्यानंतर तो नक्की आपल्याला दाखवू.
प्रत्यक्ष कामे JCB ने करण्यात आलीत. परंतु ते मजुरा मार्फत करण्यात आल्याचे कागदोपत्री दाखविण्यात आलेली आहेत. त्या बोगस मजुरांची नावे तथा JCB ची माहिती आपण लवकरच जाहीर करणार आहोत. असे प्रतिपादन सामाजिक कार्यकर्ते शंकर ढोलगे यांनी प्रसिद्धी पत्रकातून म्हटले आहे.