✒️ आशिष अंबादे, वर्धा जिल्हा प्रतिनिधी
मो. न. 8888630841
महाराष्ट्र संदेश न्युज ! ऑनलाईन वर्धा, दि. 4:- सि.डी.ए. चेन्नई व जिल्हा सैनिक कल्याण कार्यालयाच्या संयुक्त विद्यमाने दि.27 व 28 एप्रिल रोजी माजी सैनिक व त्यांच्या अवलंबिताकरीता स्पर्श प्रणाली मध्ये येणाऱ्या अडचणीचे निवारण करण्यासाठी अभियान राबविण्यात आले. या अभियानादरम्यान 30 पेंशनर्सचे डिजीटल लाईफ प्रमाणपत्र व मॅन्युअल जीवनप्रमाणपत्र अपडेट करण्यात आले. तर 70 पेंशनर्सचे प्रोफाईल अपडेशन व 40 पेंशनर्सच्या इतर किरकोळ तक्रारी व समस्याचे निराकरण करण्यात आले.
विकास भवन येथे झालेल्या अभियान कार्यक्रमात सिडीए चेन्नई Dy IFA क्रिष्णा प्रिया एस. यांच्या नेतृत्वात चमूने डिजीटल जीवन प्रमाणपत्र, मॅन्युअल प्रमाणपत्र अपडेटचे व प्रोफाईल अपडेटची कामे केली. तर माजी सैनिक व अवलंबिताच्या अभिलेख कार्यालयासबंधीत अडचणी व समस्यांचे बॉम्बे इंजिनिअर ग्रुप, पुणेचे मेजर कंचन सिकदर, नायब सुभेदार व्ही.के.यादव व त्यांच्या कर्मचाऱ्यांनी निराकरण केले.
यावेळी सीएडी पुलगाव व्हेटरन्स सेलचे ऑफिसर इन्चार्ज कर्नल महेंद्र राऊतेला व ई.सी.एच.एस वर्धाचे ऑफिसर इन्चार्ज डॉ. रावलानी, फ्लॉ.ले. धनंजय सदाफळ उपस्थित होते. अभियानास जिल्ह्यातील 200 माजी सैनिक अवलंबितांनी उपस्थिती दर्शविली, असे जिल्हा सैनिक कार्यालयाच्यावतीने कळविण्यात आले आहे.