✒️ आसमा सय्यद, पुणे प्रतिनिधी
महाराष्ट्र संदेश न्युज ! ऑनलाईन पुणे:- येथून एक खळबळजनक माहिती समोर आली आहे. आयपीएस अधिकारी नीलेश अशोक अष्टेकर रा. आंबेगाव बुद्रूक, पुणे यांच्याविरुद्ध ठाण्यातील कळवा येथील एका 31 वर्षीय महिलेने खळबळजनक आरोप करत पोलिसात फिर्याद दिली होती. त्यामुळे अशोक अष्टेकर यांच्या विरोधात विनयभंगाचा गुन्हा पुणे शहरातील भारती विद्यापीठ पोलिस ठाण्यात दाखल करण्यात आला आहे. अष्टेकर काही वर्षांपूर्वी पुणे शहर पोलीस दलात नेमणुकीस होते. सध्या ते गुप्तवार्ता विभागात कार्यरत आहेत. आयपीएस दर्जाच्या पोलीस अधिकाऱ्याविरुद्ध गुन्हा दाखल झाल्याने पोलीस दलात खळबळ उडाली आहे.
ही महिला मूळची धुळ्याची असून सध्या ती ठाण्यामध्ये वास्तव्याला आहे. विधवा असल्याने प्रपंच चालवण्याची जबाबदारी तिच्यावर आहे. धुण्याभांड्याची कामे करून ती उदरनिर्वाह करते. अष्टेकर यांनी तिच्या मोबाइलवर संपर्क साधून तिच्याशी अश्लील भाषेत संवाद साधला. त्यानंतर व्हिडीओ कॉल करून तिच्याशी असभ्य वर्तन केले. तसेच मुलीबाबतही अश्लीलभाषा वापरली असेही फिर्यादीमध्ये नमूद करण्यात आले आहे.
पोलिसांनी दिलेल्या माहितीनुसार, आयपीएस अधिकारी असलेल्या नीलेश अष्टेकर यांनी पीडित महिलेच्या सोशल मीडियावर फेसबुक अकाऊंटवर मेसेज केला होता. त्यावरून संभाषणादरम्यान त्यांची ओळख झाली. त्यानंतर अष्टेकर यांनी मेसेंजरवर कॉलवर महिलेला पोलिस भरतीचे काम करून देतो, असे सांगितले.
तसेच, मोबाईलवर अश्लील फोटो आणि मेसेज पाठविण्यास सुरवात केली. या संदर्भात महिलेने पोलिसांकडे तक्रार दिली. त्यावरून त्यांच्याविरुद्ध विनयभंगाचा गुन्हा दाखल केला आहे. पुढील तपास सहायक पोलिस आयुक्त नारायण शिरगावकर करीत आहेत.
