मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- जिल्हातील चामोर्शी तालुक्यातील आष्टी येथून एक अपघाताची दुर्दैवी घटना समोर आली आहे. आलापल्ली चंद्रपूर मार्गावर वनविभागाच्या तपासणी नाक्या समोर लोहखनिज वाहतूक करणाऱ्या ट्रकच्या चाकाखाली चिरडून बारा वर्षीय मुलीचा जागीच मृत्यू झाल्याची घटना दिनांक 14 मे रविवारी दुपारी तीन वाजताच्या सुमारास घडली. सोनाक्षी मसराम वय 12 वर्ष रा. नांदगाव फाटा ता. राजुरा जि.चंद्रपूर असे मृतक मुलीचे नाव आहे.
मृतक सोनाक्षी मसराम वय 12 वर्ष आपल्या मामासोबत दुचाकी क्रमांक MH 34 AZ 9575 ने आष्टीवरून गोंडपिपरी कडे जाताना वनविभागाच्या तपासणी नाक्यासमोर दुचाकी घसरली यात दुचाकीवरून मृतक मुलगी आणि तिचा मामा खाली पडले एवढ्यात मागून बल्लारशाकडे लोहखनिज घेईन जाणाऱ्या ट्रकच्या चाकाखाली मृतक मुलगी चिरडल्या गेली यात तिचा जागीच मृत्यु झाला. या घटनेनंतर ट्रकचालक ट्रक घेऊन घटनास्थळावरून पसार झाला असून पोलिस त्याचा शोध घेत आहे.
या अपघाताच्या घटनेची माहिती मिळताच आष्टी पोलिस स्टेशनचे पोलिस उपनिरीक्षक गणेश जंगले पोलिस कर्मचाऱ्यांना घेऊन घटनास्थळी दाखल झाले. पोलिसांनी पंचनामा घेऊन मृतदेह उचलून शववि्छेदनासाठी आष्टी येथील ग्रामीण रुग्णलयात दाखल केले. पुढील तपास पोलीस करीत आहे.
