✒️शाहरुख बागवान, पुणे शहर प्रतिनिधी
महाराष्ट्र संदेश न्युज ! ऑनलाईन पुणे:- जिल्हातील हवेली तालुक्यातील खडकवासला येथील गोऱ्हे खुर्द येथून एक दुःखद घटना समोर आली आहे. गोऱ्हे खुर्द येथील धरणात पोहण्यासाठी गेलेल्या 9 मुली बुडाल्या त्यात 2 मुलींचा शोध लागला नाही. स्थानिकांच्या प्रसंगावधानामुळे सात मुलींना वाचविण्यात यश आले आहे. ही घटना समोर येतात सर्वत्र हळहळ व्यक्त करण्यात येत आहे.
गोऱ्हे खुर्द येथील धरणात मुली बुडाल्याची माहिती हवेली पोलीसाना देण्यात आली. घटनेची माहिती मिळताच हवेली पोलिस घटनास्थळी दाखल झाले आहेत. तसेच पुणे महानगर प्रदेश विकास प्राधिकरणाच्या अग्निशमन दलालाही पाचारण करण्यात आले आहे. ते येताच बुडालेल्या मुलींचा शोध कार्याला सुरुवात करण्यात आली.
प्राप्त माहितीनुसार, खडकवासला येथील गोऱ्हे खुर्द गावच्या हद्दीत कलमाडी फार्म हाऊस जवळ काही मुली आल्या होत्या. आज सकाळी नऊ मुली पोहण्यासाठी धरणाच्या पाण्यात उतरल्या. पाणी मोठ्या प्रमाणात असल्याने त्यांना पाण्याचा अंदाज न आल्याने सर्वच्या सर्व नऊ मुली पाण्यात बुडू लागल्या. पण त्याच ठिकाणी काही स्थानिकही तिथे होते. मुलींची मदतचा आवाज आल्यानंतर स्थानिकांनी मुलींना वाचविण्यासाठी धाव घेतली. नऊ पैकी सात मुलींना स्थानिकांनी सुखरूप बाहेर काढले पण सोळा ते सतरा वर्षांच्या दोन मुलींचा शोध लागला नाही. त्या पाण्यात बुडाल्या.
शोध कार्य सुरू
दोन मुली बुडाल्याने पोलीस आणि अग्निशामक दलाच्या जवानांनी शोध कार्य सुरू केले आहे.
