पंकेश जाधव पुणे ब्यूरो चीफ 7020794626
चंदननगर पोलिस स्टेशन पुणे शहर
महाराष्ट्र संदेश न्यूज ! ऑनलाईन पुणे :- तक्रारदार नामे श्री. बिरसिंह देवचंद सोळंकी वय ६८ वर्षे रा. खराडी पुणे यांनी दि. १९/०१/ २०२३ रोजी ऑनलाईन औषधे कुरियरने मागवले होते. सदर कुरीयर कुठपर्यंत आले हे तपासण्यासाठी अर्जदार यांनी ऑनलाईन गुगलवर सर्च करुन अज्ञात गैरअर्जदाराचा मोबाईल क्रमांक मिळवून सदर मोबाईल धारक याला फोन करुन विचारणा केली असता सदर मोबाईल धारक यांनी तक्रारदार यांना पार्सल बाबत माहिती देण्याचे बहाण्याने लिंक पाठवुन सदर लिंक क्लिक करावयास लावुन अर्जदार यांची १,२३,९९९/- रुपयांची आर्थिक फसवणुक केलेबाबत चंदननगर पोलीस स्टेशन येथे गु.र.नं ७८ / २०२३ अन्वये गुन्हा नोंद करण्यात आला होता.
सदर गुन्हयाचे अनुषंगाने तक्रारदार यांचे फसवणुक झालेल्या पैशाबाबत तसेच बँक खाते धारकाबाबत माहिती घेतली असता सदरचा बँक खाते धारक हा पश्चिम बंगाल या राज्यातील असल्याचे समजून आलें आहे .सदर बँक खात्याला लिंक असलेला मोबाईल क्रमांक व गिमेल आयडीची माहिती घेतली असता सदरचे मोबाईलचे लोकेशन व जीमेलच्या आयपी अॅड्रेसवरुन प्राप्त झालेल्या मोबाईल क्रमांकाचे लोकेशन हे पश्चिम बंगाल राज्यामधील दक्षिण येथील असल्याचे समजुन आले. सदर ठिकाणी चंदननगर पोलीस स्टेशन येथील सायबर पथकाचे पोउपनि रामेश्वर रेवले, पोहवा ३०५५ उकिर्डे, पोशि १०७२८ शिंदे असे तपासकामी जावुन प्राप्त मोबाईल क्रमांकाचे लोकेशन नुसार तपन पोलीस स्टेशन, दक्षिण दिनाजपुर पश्चिम बंगाल येथील स्थानिक पोलीसांची मदत घेवुन फसवणुक करणा-या मोबाईल धारक इसम नामे- समीर नरेश रॉय वय २१ वर्षे रा. बज्रपुकुर, नया बाजार दक्षिण दिनाजपुर, पश्चिम बंगाल यास ताब्यात घेवुन त्याचेकडे चौकशी केली असता सदर गुन्हा त्याने केल्याचे निषन्न झाल्याने त्याला नमुद गुन्हयात तपन पोलीस स्टेशन येथे दि. १२/०५/२०२३ रोजी अटक करुन त्यास दि. १३/०५/२०२३ रोजी ट्रान्झीस्ट रिमांड करता सीजीएम कोर्ट बालुरघाट दक्षिण दिनाजपुर पश्चिम बंगाल येथे हजर करुन मा. कोर्टाकडुन त्याची ०६ दिवसांची ट्रान्झीस्ट रिमांड मंजुर केली. त्यास दि. १६/०५/२०२३ रोजी मा. न्यायालय कोर्ट क्र ०५ पुणे येथे हजर केले असता मा. न्यायालयाने त्याची दि.१९/०५/२०२३ रोजी पर्यंत पोलीस कोठडी मंजुर केली आहे.
सदरची कामगिरी ही मा. शशिकांत बोराटे पोलीस उपआयुक्त सो परि ०४ मा किशोर जाधव सहा आयुक्त सतो, वरिष्ठ पोलीस निरीक्षक राजेंद्र लांडगे, पोलीस निरीक्षक गुन्हे जगन्नाथ जानकर यांचे मार्गदर्शनाखाली पोउपनि पोउपनि रामेश्वर रेवले, पोहवा ३०५५ उकिर्डे, मपोना ६२९७ १०७२८ शिंदे मपोशि ११०९१ डहाळे यांनी केली असुन सदर पुढील तपास पोलीस उपनिरीक्षक रेवले, चंदननगर पोलीस स्टेशन करत आहेत.
