विश्वास त्रिभुवन, अहमदनगर जिल्हा प्रतिनिधी
महाराष्ट्र संदेश न्युज !ऑनलाईन अहमदनगर:- जिल्हातील कोपरगाव येथून एक खळबळजनक माहिती समोर आली आहे. येथील तहसीलदाराने लाच घेतल्या प्रकरणी लाच लुचपत प्रतिबंधक विभागाच्या कारवाई केली. त्यामुळे संपूर्ण तालुक्यात एकच खळबळ माजली आहे.
कोपरगाव तालुक्यात वाळूचा उपसा करून तस्करी जोमात सुरू आहे. त्यात भष्ट्र अधिकाऱ्याचा आशीर्वाद असेल तर या चोरांना रोकणार तरी कोण? असाच एक भष्ट्र तहसीलदाराच्या भष्ट्राचाराचे बिंग फुटले, एका 33 वर्षीय वाळू वाहतूकीचे गाडीवर कारवाई न करण्याकरिता कोपरगाव तहसीलदार विजय बोरुडे वय 44 वर्ष यांनी आपला पंटर गुरमीतसिंग दडियाल यांच्यामार्फत 20 हजार रुपयांच्या लाचेची मागणी करून लाचेची रक्कम स्वीकारण्याचे मान्य केली. त्यावर ती रक्कम स्विकारताना नाशिक लाचलुचपत पथकाने सापळा रचून गुरमीत दडीयाल यास रंगेहात पकडले आहे. हि कारवाई शुक्रवारी दि. 19 रात्री उशिरा कोपरगाव तहसील कार्यालयाच्या आवारातील एका हॉटेलमध्ये करण्यात आली.
या प्रकरणी कोपरगाव शहर पोलीस ठाण्यात तहसीलदार विजय जबाजी बोरुडे वय 44 वर्ष रा. शासकीय निवासस्थान कोपरगाव जिल्हा अहमदनगर व गुरमीतसिंग दडियाल वय 40 वर्ष खाजगी इसम, रा. कोपरगाव, जि. अहमदनगर यांचे विरुद्ध पहाटे गुन्हा दाखल करण्यात आला आहे.
ही कारवाई नाशिक लाचलुचपत विभागाचे सापळा अधिकारी पोलीस निरीक्षक संदीप साळुंखे, सह सापळा अधिकारी पोलीस उप अधीक्षक वैशाली पाटील, पो. ह. पंकज पळशीकर पो.ना. नितीन कराड, पो.ना. प्रवीण महाजन, पो. ना प्रभाकर गवळी, चालक पो. ना. संतोष गांगुर्डे यांच्या पथकाने केली आहे.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
