शशांक पाटील पुणे शहर प्रतिनिधी
चिखली पोलिस स्टेशन पिंपरी चिंचवड शहर
महाराष्ट्र संदेश न्यूज ! ऑनलाईन पुणे :- पिंपरी-चिंचवड परिसरामध्ये गुन्हेगारीचे प्रमाण वाढल्याचे चित्र समोर येत आहे. काही दिवसांपुर्वीच भरदिवसा तळेगाव दाभाडे जनसेवा समितीचे संस्थापक अध्यक्ष किशोर आवारे यांची भरदिवसा गोळ्या घालून आणि कोयत्याने वार निर्घृण हत्या करण्यात आली होती. आज (सोमवार) दुपारी अडीच वाजण्याच्या सुमारास चिखली चौकात उभ्या असलेल्या युवकावर गोळीबार झाल्याची घटना घडली आ घटनेमुळे प्रचंड खळबळ उडाली आहे.
सोन्या तापकीर (21) याच्यावर गोळीबार झाला असून त्यामध्ये तो गंभीर जखमी झाला असून त्याची प्रकृती अत्यंत चिंताजनक असल्याची माहिती समोर आली आहे. पुर्ववैमनस्यातून हा गोळीबार झाला असल्याची शक्यता पोलिसांकडून वर्तविली जात आहे. भरदिवसा चिखली चौकात घडलेल्या घटनेमुळे कायदा व सुव्यवस्थेचा प्रश्न पुन्हा एकदा ऐरणीवर आला आहे. मारेकऱ्यांनी गोळीबार करून पळ काढला असून पोलिस त्यांचा शोध घेत आहेत. घटनास्थळी वरिष्ठ पोलिस अधिकाऱ्यांनी भेट दिली असून चिखली पोलिस घटनेचा अधिक तपास करीत गोळीबाराचे नेमके कारण अद्यापही आलेले नाही. परिसरातील CCTV फुटेज तपासण्याचे काम पोलिसांकडून सुरू आहे.
