मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- न्याय दानाचे पवित्र काम करणाऱ्या न्यायाधीश यांना पोलीस निरीक्षकाने धमकवल्याची खळबळजनक घटना समोर आली आहे. याप्रकरणी न्यायाधिशांना धमकी देणाऱ्या पोलीस निरीक्षकांना गुन्हा दाखल करून अटक करण्यात आली आहे.
अटक करण्यात आलेल्या पोलीस निरीक्षक राजेश खांडवेला विरोधात आदेश देणाऱ्या न्यायाधीशांना घरी जाऊन धमकावले होते वादग्रस्त पोलीस निरीक्षक राजेश खांडवेला अखेर पोलिसांनी अटक केली. यांना न्यायालयीन कोठडी सुनावल्या नंतर त्याची चंद्रपूरच्या कारागृहात रवानगी करण्यात आली आहे.
चामोर्शी बाजार समिती निवडणुकीच्या रणधुमाळीत 20 एप्रिल रोजी पहाटे पोलीस स्टेशन मध्ये बोलावून लाथाबुक्क्या व बुटाने मारहाण केल्याचा दावा सभापती अतुल गण्यारपवार यांनी पोलीस निरीक्षक राजेश खांडवेवर केला होता. खांडवेवर गुन्हा नोंदविण्यासह बडतर्फीच्या कारवाईसाठी चामोर्शीत आंदोलन झाले होते. त्यानंतर गण्यारपवारांनी चामोर्शी येथील प्रथमवर्ग न्यायदंडाधिकारी यांच्या न्यायालयात दाद मागितली.
प्रथमवर्ग न्यायदंडाधिकारी एन. डी. मेश्राम यांनी 20 मे रोजी राजेश खांडवेवर कलम 294, 324, 326, 342 भादंविनुसार गुन्हा नोंदविण्याचे आदेश दिले. दरम्यान, 25 मे रोजी सकाळी खांडवे हा न्या. मेश्राम यांच्या निवासस्थानी गेला. माझ्या विरोधात गुन्हा नोंदविण्याचा आदेश का दिला, अशी विचारणा केली. त्यावर समजावण्याचा प्रयत्न केला. आपिलात जाण्याची संधी आहे, असे न्या. मेश्राम यांनी समजावले. मात्र, त्यानंतर खांडवेने हुज्जत घालून धमकावल्या प्रकरणी पो. नि. खांडवे विरुध्द कलम 323, 353, 452 अन्वये गुन्हा नोंदविण्यात आला होता.
केलं तडकाफडकी निलंबन
या घटनेनंतर पोलीस अधीक्षक नीलोत्पल यांनी तातडीने वेगवान हालचाली केल्या. न्या. मेश्राम यांची गडचिरोली ठाण्यात फिर्याद नोंदवून गुन्हा चामोर्शी ठाण्यात वर्ग केला, त्यानंतर पोलीस निरीक्षक खांडवेला तडकाफडकी निलंबित करण्यात आले होते.
आपल्या परिसरातील बातम्या आणि जाहिराती करीता आजच संपर्क साधावा प्रशांत जगताप संपादक 9766445348-7385445348