प्रविण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन हिंगणघाट:- शहरातील नन्नाशाह वार्ड मधील बौद्ध महिला मंडळाच्या वतीने अनेक दिवसापूर्वी हिंगणघाट नगरपालिका प्रशासनाला बुद्ध विहारासाठी जागेची मागणी करण्यात आली होती. अद्याप पर्यंत नगरपालिका प्रशासनाने बुद्ध विहारात जागा देण्यासंदर्भात कुठलाही निर्णय घेतलेला नाही. त्यामुळे नन्नाशाह वार्ड मधील बौद्ध समाजात संताप व्यक्त करण्यात येत आहे.
मागील काही दिवसापूर्वी या जागेसंदर्भात आमदार समीर कुणावर यांनी त्यांच्या विकास निधीतून या जागेचे भूमिपूजन करून दहा लक्ष रुपये या समाज मंदिरासाठी देण्याचे आश्वासन दिले होते. मात्र अजूनही नगरपालिकेने सदर जागा बौद्ध पंच कमिटीच्या स्वाधीन केलेली नसल्याने सामाजिक कार्यकर्ते रसपाल शेंद्रे साहित्यिक कवी व नन्नाशाह वार्ड हिंगणघाट येथील संबोधी बौद्ध महिला पंच कमेटी यांच्या नेतृत्वात आज दिनांक 5 जून ला हिंगणघाट नगरपालिकेच्या मुख्याधिकारी यांना निवेदन देऊन याबाबतचा पाठपुरावा करण्यात आला आहे. यावेळी वॉर्डातील कुणाल सुखदेव, स्नेह सुखदेवे, विपूल अंबादे, पवन चंदनखेडे सह वॉर्डातील असंख्य महिला भगिनी उपस्थित होत्या.
आपल्या परिसरातील बातम्या करीता आजच संपर्क साधावा. प्रशांत जगताप संपादक 9766445348/7385445348
