विश्वास त्रिभुवन, अहमदनगर जिल्हा प्रतिनीधी
महाराष्ट्र संदेश न्युज ! ऑनलाईन अस्तगाव:- येथील रयत शिक्षण संस्थेच्या न्यू इंग्लिश स्कूल विद्यालयात नवागतांचे स्वागत व पाठ्यपुस्तक वितरण कार्यक्रमाचे आयोजन करण्यात आला होता. या कार्यक्रमाच्या अध्यक्षस्थानी स्थानिक स्कूल कमिटीचे अध्यक्ष विजयराव गोर्डे होते. या कार्यक्रमाचे प्रास्ताविक व मान्यवरांचे स्वागत प्रभारी मुख्याध्यापक प्रमोद तोरणे यांनी केले. या प्रसंगी नवीन प्रवेश घेतलेल्या मुलांचे वाजत गाजत स्वागत करून त्यांच्यावर पुष्पवृष्टी करण्यात आली. इ. ५ वी ला नवीन प्रवेश घेतलेल्या तसेच इ.६ वी ते १० वी मध्ये नवीन आलेल्या विद्यार्थ्यांना गुलाबपुष्प व चॉकलेट देवून स्वागत करण्यात आले.
याप्रसंगी तंटामुक्तीचे अध्यक्ष बाबुराव लोंढे, आर.बी. चोळके यांनी नवागतांचे स्वागत करून शुभेच्छा दिल्या. अध्यक्षीय मनोगतात विजयराव गोर्डे यांनी नवोगतांचे स्वागत करून विद्यार्थ्यांना शालेय शिस्त, गुणवत्ता वाढीसाठी योग्य ते मार्गदर्शन केले. विद्यालयातील पाचवी ते आठवीच्या विद्यार्थ्यांना प्रातिनिधिक स्वरूपात मान्यवरांच्या हस्ते मोफत पाठयपुस्तके वितरित करण्यात आली. या प्रसंगी, शाळा व्यवस्थापन समितीचे अध्यक्ष नंदकुमार जेजुरकर, कृषि उत्पन्न समितीचे मा. उपसभापती वाल्मिकी गोर्डे, पंचायत समितीचे राहाताचे मा. सभापती श्रीनिवास त्रिभुवन, बशीरभाई शेख, दादासाहेब गवांदे, आप्पासाहेब नळे, ज्ञानदेव गोर्डे, अर्जुन जेजुरकर, बापूसाहेब तरकसे, चंद्रभान लोंढे आदी ग्रामस्थ उपस्थित होते. कार्यक्रम यशस्वी होण्यासाठी सर्व सेवकांनी मोलाचे सहकार्य केले. कार्यक्रमाचे सूत्रसंचालन संतोष कदम तर आभार ज्ञानेश्वर राजळे यांनी मानले.
