राज शिर्के, मुंबई शहर प्रतिनिधी
महाराष्ट्र संदेश न्युज ! ऑनलाईन मुंबई:- राज्यात शिक्षणाच्या नावावर सर्वत्र पालकांची लूट माजली आहे. यात शासन आणि प्रशासन यांनी अक्षरशः अशा शाळासमोर लोटांगण घातले असल्याचे चित्र दिसून येत आहे. त्यामुळे अशा शाळा प्रशासनाची मुजोरी सुरू झाली आहे हे कुणाचेही आयकला तयार नाही. मंत्री, खासदार, आमदार हे यांच्या समोर चिल्लर झाल्याचे दिसून येत आहे.
अशीच एक खळबळजनक घटना उल्हासनगरच्या न्यू इंग्लिश हायस्कूल शाळेतून समोर आली आहे. उल्हासनगर मधील न्यू इंग्लिश हायस्कूल शाळेने यावर्षी विद्यार्थ्याचा शिक्षण फी मध्ये 3 पट वाढ केली त्यामुळे विद्यार्थ्याचा पालका मध्ये मोठ्या प्रमाणात संताप दिसून येत आहे. शाळेच्या मनमानी पद्धतीने फी वाढीची तक्रार भारतीय जनता पक्षाचे आमदार गणपत गायकवाड यांच्याकडे केली. त्यानंतर आमदार गायकवाड यांनी शाळा प्रशासनाची भेट घेत त्यांनी याबाबत विचारणा केली असता त्यांना उद्धट वागणूक देण्यात आली आहे.
भारतीय जनता पक्षाचे आमदार गणपत गायकवाड हे शाळेत गेले असता शाळेच्या उपमुख्याध्यापिका यांनी “तुमच्यात हिंमत नाही का एकट्याने बोलण्याची” असा दम दिला. आमदार आणि उपमुख्याध्यापिकांमध्ये झालेल्या वादाचा हा व्हिडीओ सोशल मीडियावर व्हायरल झालाय. मंगळवारचा हा व्हिडिओ असल्याचे बोलले जात आहे.
या वेळेत आमदार गायकवाड यांच्या सोबत काही पालक उपस्थित होते,यावेळी शाळेच्या उपमुख्याध्यापिकां यांनी तुमच्या सोबत आलेल्यांना बाहेर पाठवा, तुमच्या एकट्यामध्ये बोलण्याची हिंमत नाही का असा दम चक्क भाजपा आमदारांनाच दिला. त्यामुळे संतप्त झालेल्या भाजपा आमदार गणपत गायकवाड यांनी या उप मुख्याध्यापिकेला चांगलंच धारेवर धरत खडसावलं.
यानंतर पोलिसांनी मध्यस्थी करून हे प्रकरण शांत केलं. दरम्यान एका लोकप्रतिनिधींशी शाळा प्रशासन अशा प्रकारे वागत असेल तर पालक वर्गाशी ते कसे बोलत असतील याचा विचार करा असा सवाल आमदार गणपत गायकवाड यांनी उपस्थित केलाय. दरम्यान हा मुद्दा अधिवेशनात उपस्थित करणार असून शाळा प्रशासनाने अयोग्य पद्धतीने फी वाढ केल्याचं आमदार गणपत गायकवाड यांनी सांगितलं.
