पंकेश जाधव पुणे ब्यूरो चीफ 7020794626
शिवाजीनगर पोलीस स्टेशन पुणे शह
महाराष्ट्र संदेश न्यूज ऑनलाईन पुणे :- शिवाजीनगर पोलीस स्टेशन गुन्हा रजि नं १३१ / २०२३ भादवि क ३५४ मधील पिडीत महिला या दिनांक ०२/०७/२०२३ रोजी रात्रौ २२/०० वाजेच्या सुमारास तिचे घरी शिवाजीनगर मनपा ब्रिजचे खालुन बावधन बसचे स्टॉपकडे पायी जात असताना अंधारात खुडे चौकाकडुन मनपा ब्रीजच्या दिशेने समोरून एक अनोळखी इसम अंगावर आला व त्याने फिर्यादिच्या मनास लज्जा उत्पन्न होईल असे कृत्य केले म्हणुन फिर्यादी यांनी तक्रार दिल्याने शिवाजीनगर पोलीस स्टेशन येथे गुन्हा नोंद आहे.
वरील गुन्ह्याच्या तपासाबाबत मा. वरिष्ठ पोलीस निराक्षक अरविंद माने सर यांनी मा. पोलीस आयुक्त. पुणे शहर यांनी महिलांवरील होणारे अत्याचार व छेडछाड बाबत दाखल होणारे गुन्ह्याच्या तपासाबाबत दिलेल्या सुचनांप्रमाणे तपास करणेबाबत तपास पथकातील अधिकारी व अंमलदार यांना मार्गदर्शन केले. त्यानुसार तपास पथकातील सहाय्यक पोलीस निरीक्षक बाजीराव नाईक, पोलीस उपनिरीक्षक साळवे, पोलीस हवालदार रणजित फडतरे, व पोलीस हवालदार बशीर सय्यद, पोलीस हवालदार रुपेश वाघमारे, पोलीस शिपाई आदेश चलवादी असे मनपा ब्रीज येथे गुन्हा दाखल झाले दिनांका पासुन रोज रात्रौ २०/०० ते २४/०० वाजेपर्यंत सापळा रचुन निगराणी ठेवत होते. पोलीस हवालदार रणजित फडतरे यांनी सीसीटिव्ही फुटेज चेक केले. सीसीटिव्ही फुटेज नुसार आमचे गुप्त बातमीदाराद्वारे माहिती मिळाली. असता सदर इसम हा मनपा पुलाखाली थांबलेला आहे. लागलीच मा. वरिष्ठ पोलीस निरीक्षक अरविंद माने यांनी तात्काळ सदर ठिकाणी पोलीस स्टेशनचे पथक पाठवले. सदर इसम पळुन जाण्याच्या तयारीत असताना शिताफिने त्यास ताब्यात घेतले व अधिक चौकशीकामी पोलीस स्टेशन येथे आणले असता त्याने त्याचे नाव लक्ष्मण तुकाराम घोडे, वय ४५. रा रामनगर, वारजे – माळवाडी, पुणे असे सांगितले. दाखल गुन्हाबाबत अधिक चौकशी केले असता सदरचा गुन्हा हा त्यानेच केल्याचे कबुल केले.
सदरची कामगिरी मा. प्रविणकुमार पाटील, अपर पोलीस आयुक्त, पश्चिम प्रादेशिक विभाग, मा. संदिपसिंह गिल्ल, पोलीस उप-आयुक्त परिमंडळ-१, मा. वसंत कुंवर, सहा पोलीस आयुक्त विश्रामबाग विभाग यांचे मार्गदर्शनाखाली मा. वरिष्ठ पोलीस निरीक्षक अरविंद माने, पोलीस निरीक्षक गुन्हे विक्रम गौड,सहाय्यक पोलीस निरीक्षक बाजीराव नाईक तपास पथकातील पोलीस उप निरीक्षक प्रताप साळवे, मपोउपनि मनिषा जाधव, पोलीस हवालदार रणजित फडतरे, व पोलीस हवालदार बशीर सय्यद, पोलीस हवालदार रुपेश वाघमारे, पोलीस शिपाई आदेश चलवादी यांनी केली.
