वैशाली गायकवाड उपसंपादक (पुणे)
महाराष्ट्र संदेश न्युज ! ऑनलाईन पुणे:- जिल्हातून एक दुर्दैवी घटना समोर आली आहे. आदिवासी भागातील आपटाळे साबळेवाडी येथील एका घराला लागलेल्या आगीत धुराने गुदमरून मृत्यू वयोवृद्ध माजी सरपंच व त्यांच्या पत्नीचा मृत्यू झाला. त्यामुळे परिसरात शोककळा पसरली आहे.
रात्रीच्या सुमारास घरात लागलेल्या आगीमुळे मोठ्या प्रमाणात धूळ पसरला होता या धुराने गुदमरून या वृद्ध दाम्पत्याचा दुर्दैवी मृत्यू झाला आहे. त्यात आदर्श सरपंच विजेते मारुती भाऊ साबळे वय 83 वर्ष व त्यांच्या पत्नी पुताबाई मारुती साबळे वय 73 वर्ष अशी मृतक यांची नावे आहे.
आपटाळे येथील साबळेवाडी या छोट्या वस्तीत मारुती भाऊ साबळे हे आपल्या पत्नी बरोबर राहत होते. गुरुवारी रात्री वीजपुरवठा खंडित झाल्याने साबळे यांनी झोपण्यापूर्वी दिवा लावला होता व ते दोघेही झोपले होते. रात्री दिव्याने पेट घेतल्याने टेबल जळून खाक झाला तसेच घरात आग लागली काही वेळातच आग वाढल्याने दोघांनाही जाग आली असता आग विझविण्या साठी दोघांनीही बाथरूमकडे जाण्याचा प्रयत्न केला. मात्र घरात मोठ्या प्रमाणात धूर कोंडल्याने श्वास गुदमरून दोघेही जागीच कोसळले व त्यातच त्यांचा मृत्यू झाला असल्याचा अंदाज आहे. शुक्रवारी उशिरा ही घटना उघडकीस आली त्यांच्या या दुर्दैवी मृत्यूमुळे परिसरात शोककळा पसरली आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
