बुलढाणा जिल्हा प्रतिनिधी
महाराष्ट्र संदेश न्युज ! ऑनलाईन बुलढाणा:- सामूहिक अत्याचाराच्या घटनेन महाराष्ट्र हादरला आहे. ही संतापजनक घटना बुलढाणा जिल्ह्यातून समोर आली आहे. येथे देवीच्या मंदिरा समोर सेल्फी काढण्यासाठी थांबलेल्या एका महिलेवर 8 जणांनी बलात्कार केला आहे. त्यामुळे महिला अत्याचाराने परत एकदा महाराष्ट्र हादरला आहे.
बुलढाणा जिल्ह्यातील राजूर घाटातून ही संतापजनक घटना घडली असून बोराखेडी पोलीस ठाण्यात सदर गुन्ह्याची नोंद करण्यात आली आहे.
प्राप्त माहितीनुसार, 8 नराधम आरोपींनी या महिलेवर बलात्कार केलाच शिवाय या महिलेकडे असलेले 45 हजार रुपये देखील लुटून नेले. राजूर घाटातील देवीच्या मंदिराच्या परिसरात हा प्रकार घडला आहे. मंदिरामागे असलेल्या दरीत नेऊन या महिलेवर सामूहीक बलात्कार करण्यात आला.
राजूर घाटात सेल्फी काढण्यासाठी पीडित महिला आणि तिची नातेवाई थांबले होते. या वेळी त्या ठिकाणी आठ जणांचा घोळका आला. त्यांनी तक्रारकर्त्या व्यक्तीसोबत असलेल्या महिलेच्या गळ्याला चाकू लावून फिर्यादीच्या खिशातील 45 हजार रुपये काढून घेतले. त्यानंतर पीडित महिलेला दरीत ओढत नेऊन तिच्यावर आळीपाळीने बलात्कार केला.
ही घटना समोर येताच परत एकदा महिला सुरक्षावर प्रश्न निर्माण झाले आहे. गुरुवारी घडलेल्या घटनेमध्ये पोलीस दिरंगाई करत असल्याचा आरोप करण्यात आला होता. यामुळे शिंदे गटाचे आमदार संजय गायकवाड यांना स्वत: पोलीस ठाण्यात यावं लागलं. त्यांनी गुन्हा दाखल होईपर्यंत पोलीस ठाणे सोडणार नाही असं म्हणत ठिय्या आंदोलन सुरू केलं. यानंतर पोलिसांनी गांभीर्याने कारवाई सुरू केली असा दावा त्यांच्याकडून करण्यात आला आहे.
