✒️प्रविण जगताप, वर्धा उपजिल्हा प्रतिनिधी
मोबा नंबर :- 9284981757
महाराष्ट्र संदेश न्युज ! ऑनलाईन वर्धा, दि.2:- महसूल प्रशासनाच्यावतीने दि.1 ते 7 ऑगस्ट या कालावधीत महसूल सप्ताहाचे आयोजन करण्याता आले आहे. या निमित्ताने महसूल दिनाचे औचित्य साधून तहसिल कार्यालय परिसरात उपविभागीय अधिकारी दिपक कारंडे यांच्याहस्ते वृक्षरोपण करुन व विविध दाखल्याचे वाटप करुन महसूल सप्ताहाचा शुभारंभ करण्यात आला.
यावेळी तहसिलदार रमेश कोळपे, नायब तहसिलदार अजय धर्माधिकारी, बाळुताई भागवत, हेमा जाधवर, भगवान वनकर, मंडळक्षअधिकारी, तलाठी तसेच कार्यालयातील कर्मचा-यांनी सुध्दा या वृक्षरोपण कार्यक्रमास सहभाग नोंदवून वृक्षलागवड केली.
यावेळी तहसिल कार्यालय परिसरात विविध जातीची 383 वृक्षाचे वृक्षरोपण करण्यात आले. तसेच लाभार्थ्यांना सातबारा व 321 लाभार्थ्यांना शैक्षणिक प्रमाणपत्राचे वाटप करण्यात आले. महसूल सप्ताहा दरम्यान युवा संवाद, एक हात मदतीचा, जनसंवाद, सैनिक हो तुमच्यासाठी, सेवानिवृत्त अधिकारी व कर्मचारी सत्कार व संवाद असे विविध कार्यक्रमाचे आयोजन करण्यात येणार असल्याचे तहसिल कार्यालयाच्या वतीने कळविण्यात आले आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348