मुकेश चौधरी, कार्यकारी संपादक
महाराष्ट्र संदेश न्युज ! ऑनलाईन हिंगणघाट:- येथील उपजिल्हा रुग्णालय नेहमी विविध कारणाने चर्चेत असते. काही रुग्णसेवेत हलगर्जी कारभार, तर कधी सर्पानेदंशाने रुग्णाचा मृत्यू, त्यामुळे या हिंगणघाट येथील उपजिल्हा रुग्णालय प्रशासनावर मोठे प्रश्न चिन्ह निर्माण होत असताना अशीच एक खळबळजनक खुलासा समोर आला आहे. त्यामुळे हिंगणघाट उपजिल्हा रुग्णालयात रुग्णसेवेचा नावावर रुग्णाच्या जीवाशी खेळ खंडोबा सुरू असल्याचे चित्र समोर आले आहे.
प्राप्त माहितीनुसार, वन्यजीवरक्षक सर्पमित्र राकेश झाडे यांना काल दि १० आगस्टला सायंकाळी ७ वाजता बेघर निवारा केंद्र येथील पशुपक्ष्यांच्या निवारा केंद्रात गवत कापत असतांना एका धामण जातीच्या सर्पाने दंश केला. हा साप बिनविषारी असल्याचे राकेशच्या अनुभवी नजरेने लगेच ओळखले. त्यांनी रुग्णमित्र गजू कुबडे यांना कॉल करून या घटनेची माहिती दिली. गजू कुबडे यांनी त्वरित राकेशला घेऊन उपजिल्हा रुग्णालयात उपचारासाठी दाखल करण्यात आले.
सदर साप हा बिनविषारी असल्याने हे दोघेही निर्धास्त होते. परंतु या उपजिल्हा रुग्णालयात सामान्य व्यक्तीला या सर्पदंशावर कशा उपचार करण्यात येतो हे पाहण्यासाठी या दोघांनी एक ऑपरेशन राबविले व सामान्य जनतेच्या जीवाचा कसा खेळ खंडोबा होतो हे यातून दिसून आले.
या उपजिल्हा रुग्णालयात ड्युटीवर असलेल्या डॉक्टराला सर्पदंश कोणत्या जागेवर झाला हे सांगितले. त्यांनी पेशंटला बेड वर घेऊन दोन्ही हातातून रक्त काढून त्याच्या चाचण्या करवून घेतल्या व सलाईन लावून औधोपचार सुरू केले. थोडया वेळात चाचणीचे अहवाल आले. ह्या चाचणीत सर्पाचे विष आढळून आले नाही. तरीही ड्युटीवरील डॉक्टराने या रुग्णालयात काहीच सुविधा विशेषतः व्हेंटिलेटरवर नाही, तज्ञ डॉक्टर नाही हे कारण देत रुग्णाला नेहमी प्रमाणे रेफर करण्याचा सल्ला दिला व तसे कार्ड तयार करून दिले. थोड्या वेळाने डॉक्टरांनी “अँटी स्नेक व्हेनम” हे विषारी सापावर लागणारे औषध बिनविषारी साप चावलेल्या राकेशच्या सलाईन मध्ये टाकले ते या दोघाही अनुभवी रुग्णमित्राच्या लक्षात आले व त्यांनी आम्ही सेवाग्रामला जातो असे सांगून सलाईन न लावताच सुट्टी घेतली. सदर औषध जर राकेशच्या शरीरात गेले असते तर त्या औषधीचा कुठल्याही प्रकारचा दुष्परिणाम आढळून आला असता हे अनुभवी सर्पमित्र असलेल्या राकेशच्या लक्षात येताच त्यांनी उपस्थित असलेल्या नर्सच्या हाताने सलाईन काढून सदर औषध घेण्याचे टाळले. ह्या प्रकरणावरून एक गोष्ट लक्ष्यात आली व ती म्हणजे ग्रामीण भागातील शासकीय रुग्णालयातील डॉक्टर या रुग्णाच्या जीवाशी कशा प्रकारे खेळ करतात.
म्हणून शासनाने या प्रकाराकडे गांभीर्याने लक्ष देऊन ग्रामीण भागातील रुग्णालयात सर्पदंशाच्या उपचारासाठी स्वतंत्र तज्ञ डॉक्टर ची नेमणूक करावयास पाहिजे अन्यथा सर्प दंशाचे असंख्य रुग्ण चुकीच्या उपचारामुळे हकनाक प्राणास मुकतील यासाठी शासनाच्या आरोग्य विभागाने त्वरित दखल घेण्याचे आवाहन रुग्णमित्र गजू कुबडे व वन्यजीवरक्षक राकेश झाडे यांनी केले आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348