गडचिरोली: पंडित दीनदयाल उपाध्याय यांचा शिक्षण क्षेत्राशी काडीचाही संबंध नाही, उद्घाटन सोहळा उधळून लावू आदिवासी युवा विकास परिषदेचा इशारा
मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- पंडित दीनदयाल उपाध्याय एकात्म मानवतावाद अध्यासन केंद्राच्या वाद चांगलाच पेटला आहे. या क्रेंद्राच्या नावावरून आदिवासी युवा विकास परिषदेच्या कार्यकर्त्यांनी जोडीदार विरोध सुरू केला आहे. त्यामुळे गडचिरोली जिल्हात चांगलाच राजकारण तापल आहे.
आदिवासी भागातील या गोंडवाना विद्यापीठाला पंडित दीनदयाल उपाध्याय एकात्म मानवतावाद अध्यासन केंद्राच्या माध्यमातून आदिवासींसह इतर लोकांवर राष्ट्रीय स्वयंसेवक संघाची विचारधारा बळजबरीने थोपविण्याचा घाट विद्यापीठाच्या वतीने रचण्यात आला आहे. सदर अध्यासन केंद्राला आमचा प्रखर विरोध असून 19 ऑगस्ट रोजी होणारा अध्यासन केंद्राचा उद्घाटन सोहळा आम्ही उधळून लावणार, असा इशारा आदिवासी युवा विकास परिषदेच्या पदाधिकाऱ्यांनी रविवारी पत्रपरिषदेतून दिला.
पंडित दीनदयाल उपाध्याय यांचा शिक्षण क्षेत्राशी काडीचाही संबंध नसताना व सामाजिक कार्यात कोणतेही भरीव योगदान नाही. सत्ताधारी मंडळींना खूश करण्याकरिता विद्यापीठ प्रशासन संघाची विचारधारा गोंडवाना विद्यापीठाच्या माध्यमातून लोकांवर लादू पाहत आहेत. मात्र हे आम्ही खपवून घेणार नाही, असे आदिवासी युवा विकास परिषदेचे विनोद मडावी यांनी यावेळी सांगितले. यावेळी माजी नगरसेवक गुलाब मडावी, वसंत कुलसंगे, जगदीश मडावी, माधुरी मडावी, सचिन भलावी, राज बन्सोड, प्रतीक डांगे व अन्य पदाधिकारी उपस्थित होते.
अगोदर डीडोळकर, आता नव्याने उपाध्याय
काही दिवसांपूर्वी गोंडवाना विद्यापीठाच्या सभागृहाला अखिल भारतीय विद्यार्थी परिषदेचे संस्थापक सदस्य दत्ताजी डीडोळकर यांचे नाव देण्यावरून वाद निर्माण झाला होता. आदिवासी कार्यकर्त्यांच्या विरोधानंतर तो निर्णय रद्द करण्यात आला होता. आता जनसंघाचे संस्थापक पंडित दीनदयाल उपाध्याय यांच्या अध्यासन केंद्रावरदेखील आदिवासी युवा परिषदेने आक्षेप घेतला आहे. त्यामुळे पुन्हा एकदा वाद निर्माण झाला आहे. त्यामुळे विद्यापीठ प्रशासनाच्या भूमिकेवर प्रश्नचिन्ह उपस्थित करण्यात येत आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
