🖊️आशिष अंबादे, वर्धा जिल्हा प्रतिनिधी
हिंगणघाट:- शहरात एक धक्कादायक प्रकरण समोर आले आहे. बनावट व खोटे दस्तावेज तयार करून कॉम्पलेक्समधील ताबा मिळविल्याप्रकरणात कंत्राटदाराच्या तक्रारीवरून सहा जणांविरुद्ध हिंगणघाट पोलिसांत गुन्हा दाखल करण्यात आला आहे.
हिंगणघाट शहराच्या मध्य भागी उभारण्यात आलेल्या कॉम्पलेक्समध्ये काही लोकांनी बनावटी कागद तयार करून परस्पर ताबा मिळवला यांची माहिती कल्पना अमोल वझरकर या मृगनयनी इन्फास्ट्रक्चर प्रा. लि. (रा. न्यू नरसाळा नागपूर) या कंपनीच्या संचालक प्राप्त होतच. स्थानीक पोलिस स्टेशनला तक्रार दाखल केली.
मृगनयनी इन्फास्ट्रक्चर प्रा. लि. त्यांनी हिंगणघाट शहरातील श्रद्धा बिझीप्लेक्स कॉम्पलेक्स बांधले होते. कॉम्पलेक्समधील दुकानांची देखरेख ठेवण्यासाठी व विक्री करण्यासाठी विवेक विजय कुमार कांबळे यांना ठेवले होते. मात्र, विवेक कांबळे याने आरोपी शेख इरफान शेख जब्बार, मोहम्मद युसूफ मोहम्मद हातम, वसीम शेख, मुस्ताक खान सुभान खान पठाण, उल्हास नगराळे यांच्याशी पूर्ण व्यवहार न करता विवेक कांबळे याने बनावट कागदपत्रे तयार करून त्यांना दुकानाचे कुलूप तोडून अवैधरीत्या दुकानावर ताबा दिला. हा प्रकार लक्षात येता कल्पना वझरकर यांनी हिंगणघाट पोलिसांत याबाबतची तक्रार दाखल केली.
