पंकेश जाधव, पुणे ब्यूरो चीफ
महाराष्ट्र संदेश न्युज ! ऑनलाईन पुणे:- शहर परत एका खुनाच्या घटनेने हादरला आहे. येथे एका पतीने कुटुंबीग कलहातून आपल्याच पत्नीची निर्घृण हत्या केली. आपल्याच पत्नीची हत्या केल्या नंतर आरोपी पतीने स्वतःहा पोलिस स्टेशन मध्ये जाऊन आत्मसमर्पण केले. लक्ष्मी केशव सीताफळे वय 40, रा. लेबर कॅम्प खराडी असे मयत महिलेचे नाव आहे. केशव भीमराव सीताफळे असे आरोपीचे नाव आहे.
मयत लक्ष्मी सीताफळे आणि आरोपी केशव सीताफळे या पती पत्नी मध्ये वाद झाले आणि हा वाद विकोपाला गेल्यानंतर पतीने त्याने धारदार चाकूने लक्ष्मीचा गळा चिरला आणि नंतर हत्या केल्याची माहिती देण्यासाठी स्वत: पोलिसात हजर झाला. आरोपीने स्वतः येऊन पोलिसाना हत्येबाबद माहिती दिल्यानंतर पोलीस घटनास्थळी दाखल झाले. यावेळी पोलीस पथकाला ही महिला रक्ताच्या थारोळ्यात पडल्याचे दिसल्यानंतर याप्रकरणी चंदननगर पोलिस ठाण्यात हत्येचा कलमांखाली गुन्हा दाखल करण्यात आला आहे. याप्रकरणी आरोपीला अटक करण्यात आली असून पोलीस अधिक तपास करत आहेत.
पोलिसांनी दिलेल्या माहितीनुसार केशव भीमराव सीताफळे आणि त्यांच्या पत्नी लक्ष्मी यांच्यामध्ये गेल्या काही दिवसांपासूंन मोठ्या प्रमाणात वाद होते. काल रात्री त्यांच्यात असाच वाद झाला. हा वाद विकोपाला गेला. रंगाच्या भरात केशव याणणे लक्ष्मी यांच्यावर चाकूने हल्ला केला. यात लक्ष्मी यांचा गळा चिरला गेल्याने त्यांचा जागेवरच मृत्यू झाला. यानंतर आरोपी केशवने थेट चंदननगर पोलिस ठाणे गाठले. त्याने त्याच्या पत्नीचा खून केल्याची कबुली पोलिसांना दिली. या घटनेमुळे पोलिसांना धक्का बसला. त्यांनी त्याच्या घरी जाऊन पाहणी केली असता, लक्ष्मीचा मृतदेह रक्ताच्या थारोळ्यात पडलेला दिसला. पोलिसांनी पंचनामा करून उत्तरीय तपासणी साठी लक्ष्मी यांचा मृतदेह ससून रुग्णालयात पाठवला आहे. पोलिसांनी केशव यांना अटक केली असून गुन्हा दाखल केला आहे.
