अनिल अडकिने सावनेर तालुका प्रतिनिधी
मो.नं. -9822724136
महाराष्ट्र संदेश न्युज ! ऑनलाईन सावनेर 13 सप्टेंबर:- श्री. राधा कृष्ण देवस्थान समिती महाजन लेआऊट सावनेर येथे दोन दिवसीय गोकुळ अष्टमीच्या कार्यक्रमाचे तसेच आरोग्य तपासणी शिबिराचे आयोजन भक्तिमय वातावरणात संपन्न झाले.
6 सप्टेंबर ला सकाळी 8 वाजता श्रीचा महा अभिषेक व तीर्थ स्थापना आरती सकाळी 9 वाजता हरीपाठ, दुपारी 2 ते 5 वाजेपर्यंत भजनाचा कार्यक्रम, रात्री 6 ते 8 वाजेपर्यंत भाऊसाहेब गोतमारे यांच्याद्वारे व्यसनमुक्ती शिबिर सोबत भजन संध्याचा कार्यक्रम, सायंकाळी 9 ते 12 वाजेपर्यंत ह.भ.प श्री. भागवताचार्य विलास महाराज जिल्हारे आळंदीकर यांचे जन्मोत्सव पर्वावर कीर्तनाचा कार्यक्रम व रात्री 12 वाजता आरती करण्यात आली.
7 सप्टेंबर सकाळी 7 वाजता हरिपाठ, सकाळी 8 ते 10 पर्यंत पालखी सोहळा, दुपारी 11 ते 2 पर्यंत ह.भ.प श्री. भागवताचार्य भीमराव महाराज कोठे हिंगणा यांचे काल्याचे कीर्तन, दुपारी 2 ते 5 वाजेपर्यंत सिद्धिविनायक हॉस्पिटल तर्फे डॉ. मयूर डोंगरे (हृदय रोग व मधुमेह तज्ञ) यांच्या उपस्थितीत मोफत आरोग्य तपासणी शिबीराचे आयोजन करण्यात आले होते. सायंकाळी 5.30 वा.देवाची महाआरती नंतर लगेच सा.7 ते 10 पर्यंत महाप्रसादाचा कार्यक्रमाचे वितरण करण्यात आले..या दरम्यान जय श्री दादाजी भजन मंडळ श्री.भगवंतराव मोरे सावनेर यांचा भजन संध्येचा कार्यक्रम होऊन सांगता झाली. गोकुळाष्टमी कार्यक्रमात भक्तांची भरपूर उपस्थिती असल्याची माहिती श्री.राधा कृष्ण देवस्थान समिती द्वारे देण्यात आली.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
