🖊️प्रविण जगताप, वर्धा उपजिल्हा प्रतिनिधी
महाराष्ट्र संदेश न्यूज ! ऑनलाईन वर्धा, दि. 26:- हिंगणघाट शहरातील शिक्षिका जळीत हत्याकांडाने संपूर्ण राज्य हादरले होते. या प्रकरणात दरोडा येथील मृतक शिक्षिका असलेल्या अंकिता पिसुड्डे या युवतीच्या आई-वडिलांना शासकीय मदतीचा पाच लक्ष रुपयाचा धनादेश उपमुख्यमंत्री तथा जिल्ह्याचे पालकमंत्री देवेंद्र फडणवीस यांच्या हस्ते देण्यात आला. नागपूर येथे आ. समीर कुणावर तसेच चित्रा वाघ यांच्या उपस्थितीत दरोडा येथील अरुण नागोराव पिसुड्डे व सौ.पिसुड्डे यांना शासकीय मदत देण्यात आली.
हिंगणघाट शहरात भर रस्त्यावर अंगावर पेट्रोल टाकून अंकिताला जाळण्याचा प्रयत्न झाला होता. त्यानंतर या घटनेत तिचा मृत्यू झाला होता. अंत्यसंस्काराच्या वेळी शासनाने 5 लाखाची मदत जाहीर केली होती. मात्र ती अद्याप मिळाली नव्हती. याबाबत हिंगणघाटचे आमदार समीर कुणावार यांनी पाठपुरावा केला तसेच हा खटला जलद गती न्यायालयात चालावा ही मागणी मान्य करण्यात आली होती.
राज्याचे उपमुख्यमंत्री व जिल्ह्याचे पालकमंत्री देवेंद्र फडणवीस यांनी मृतक अंकिताच्या पालकांना 5 लाखाचा धनादेश आज दिला. घटनेवेळी गावकऱ्यांनी आर्थिक मदत, तिच्या भावाला शासकीय नोकरी आणि खटला जलदगती न्यायालयात चालवण्याची मागणी केली होती. तत्कालीन जिल्हाधिकारी विवेक भीमनवार यांनी त्यावेळी महत्वपूर्ण भूमिका पार पाडल्याने शांततेत अंत्यसंस्कार करण्यात आले होते. परिवाराला मदत मिळावी म्हणून आमदार कुणावार यांनी पाठपुरावा केला. मदत वाटपावेळी चित्रा वाघ, आमदार समीर कुणावार, आशिष देशमुख, वडील अरुण नागोराव पिसुड्डे, आई, भाऊ व त्यांचा परिवार उपस्थित होता.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348
