संदीप सुरडकर, नागपूर जिल्हा प्रतिनिधी
महाराष्ट्र संदेश न्यूज! ऑनलाइन नागपूर:– येथून एक खळबळजनक घटना समोर आली आहे. अतिदुर्मिळ प्रजातीच्या कासवांच्या पिल्लांची तस्करी सुरू होती, डीआरआय ने धडक कारवाई करत कासवांची 955 पिल्ले ताब्यात घेतले. त्यामुळे कासव तस्करीचे चांगलेच पितळ उघडे पडले आहे.
गंगा नदीच्या पात्रात आढळणाऱ्या दुर्मिळ प्रजातीच्या कासवांच्या पिल्लांची तस्करी करण्यात येत होती. महसूल गुप्तचर संचालनाच्या (डीआरआय) पथकांनी नागपूर सह देशातील, चेन्नई, भोपाळ आणि अन्य तीन शहरात छापे टाकून कासवांची 955 किल्ले जप्त केली. या प्रकरनी सहा तस्करांना अटक करण्यात आली.
डीआरआय ने प्रसिद्धीला दिलेल्या पत्रका नुसार गंगा नदीत टेंट टर्टल. इंडियन फ्लॅपशेल टर्टल, क्राऊन रिव्हर टर्टल, काळे डाग असलेले कासव आणि आणि तपकिरी छताचे कासव या दुर्मिळ प्रजातीच्या कासवांची पिल्ले आढळतात. आंतरराष्ट्रीय स्तरावर या पिल्लांची तस्करी करण्यात येते. नागपूर, भोपाळ, चेन्नई सह सहा राज्यातील तस्करांनी कट आखून कासवांच्या पिल्लांची तस्करी करण्यासाठी कासवांची 955 पिल्ले गोळा केली होती. याची माहिती महसूल गुप्तचर संचालनाला मिळाली. अधिकाऱ्यांनी सहा राज्यात नागपूर सह सहा राज्यात छापे घालून कासवाची पिल्ले जप्त करीत तस्करांच्या डाव हाणून पाडला. याप्रकरणी सहा तस्करांना अटक करण्यात आली.आरोपी वन जीवन (संरक्षण ) कायदा 1972, अंतर्गत गुन्हा दाखल करून पुढील तपासासाठी त्यांच्या संबंधित वनविभागाकडे सोपवण्यात आले.
