युवा वर्गात अहेरी विधानसभा क्षेत्रात सातत्याने होत आहेत भाजपा प्रवेश.
मधुकर गोंगले, गडचिरोली जिल्हा प्रतिनिधी महाराष्ट्र संदेश न्युज ! ऑनलाईन भामरागड:- तालुक्यातील दुर्गम व नक्षलग्रस्त मल्लमपोडुर, हिंदेवाडा तथा मुसेवाडा ह्या गावातील विविध पक्षातील असंख्य कार्यकर्त्यांनी माजी पालकमंत्री राजे अम्ब्रिशराव आत्राम यांचा युवा नेतृत्वावर विश्वास करीत नुकताच अहेरी येथील रुक्मिणी महालात झालेल्या पक्षप्रवेश कार्यक्रमात भाजपात अधिकृत प्रवेश केला, ह्यावेळी राजेंनी भाजपाचा दुपट्टा टाकून पक्षात त्यांचे स्वागत केले, विविध पक्षांचे कार्यकर्ते भाजपात आल्याने विरोधकांचे धाबे दणाणले आहेत.
माझ्यावर विश्वास करून तुम्ही भाजपात प्रवेश केला आहे, तुमचा विश्वासघात मी कदापी होहु देणार नाही, तुमचा क्षेत्रांतील प्रत्येक समस्या सोडवण्यासाठी मी कटिबद्ध आहे असे प्रतिपादन राजेंनी ह्यावेळी केले, त्याला “राजे अम्ब्रिशराव आत्राम आगे बडो.. हम तुम्हारे साथ है” अशी जोरदार घोषणाबाजी करीत कार्यकर्त्यांनी आत्राम यांना जोरदार दाद दिली.
राजे अम्ब्रिशराव आत्राम यांचे शांत व संयमी स्वभाव, प्रत्येकाशी आपुलकीने बोलण्याचा तथा गरजूला मदत करण्याचा गुण, विकासाची दूरदृष्टी ह्यामुळे युवा वर्गात आत्राम यांची प्रचंड लोकप्रियता असून त्यामुळे संपूर्ण अहेरी विधानसभा क्षेत्रातुन राजेंचा युवा नेतृत्वावर विश्वास करीत भारतीय जनता पार्टीत सातत्याने प्रवेश होत आहे तसेच राजेंसाठी सकारात्मक वातावरण आहे..
