महाराष्ट्र संदेश न्युज प्रतिनिधी
महाराष्ट्र संदेश न्युज ! ऑनलाईन बुलढाणा:- येथून एक संतापजनक घटना समोर आली आहे. येथे एका नराधम शिक्षकाने अल्पवयीन विद्यार्थिनीवर अनेक वेळा बलात्कार केल्याची खळबळजनक घटना समोर आली आहे. या नराधम शिक्षकाला पोलिसांनी बेड्या ठोकल्या आहे. या संतापजनक घटनेमुळे बुलढाणा जिल्हा हादरला असून, सर्वत्र संताप व्यक्त होत आहे. सतीश विक्रम मोरे असे नराधम शिक्षकाचे नाव आहे.
बुलढाणा जिल्ह्यातील एका जिल्हा परिषद शाळेतील शिक्षकानेच अल्पवयीन विद्यार्थिनीवर अनेकदा बलात्कार केल्याची संतापजनक घटना समोर आली आहे. या प्रकरणात पीडित मुलीने बुलढाणा शहर पोलिस ठाण्यात दिलेल्या तक्रारी वरून नराधम आरोपी शिक्षक सतीश मोरे याच्या विरोधात पोक्सोसह इतर कलामांतर्गत गुन्हे दाखल करण्यात आले आहेत. पोलिसांनी त्याला अटक केली आहे.
आरोपी शिक्षक हा जिल्हा परिषद शाळेत शिक्षक आहे. त्याने आठवीत शिकणाऱ्या एका मुलीला तिचे आक्षेपार्ह फोटो सोशल मीडियावर व्हायरल करण्याची धमकी देत तिच्यावर अनेकदा अत्याचार केला. दरम्यान, पीडित मुलीच्या तक्रारी वरून आरोपीविरोधात गुन्हा दाखल झाला असून, त्याला अटक करण्यात आली आहे. पुढील तपास सुरू असल्याची माहिती पोलिसांनी दिली.
