प्रविण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन वर्धा:- जिल्हातील समुद्रपुर तालुक्यातून एक संतापजनक घटना समोर आली आहे. समुद्रपुर तालुक्यातील एका गावात घराशेजारी राहणाऱ्या 15 वर्षीय अल्पवयीन मुलीवर एका 52 वर्षीय नराधमाने लैंगिक अत्याचार केल्याने ती त्यात गर्भवती झाली. पीडित मुलीच्या आईने केलेल्या तक्रारीनुसार एकाविरुद्ध गुन्हा दाखल करण्यात आला आहे.
समुद्रपुर तालुक्यातील एका गावातील 15 वर्षीय मुलीवर तिच्या घराच्या परिसरात राहणाऱ्या शालिक फकिरा तेलगी याने चॉकलेटचे आमिष दाखवून अनेक वेळा बलात्कार केला. त्यातून ही अल्पवयीन मुलगी गर्भवती झाली. तिला गर्भधारणा झाल्याचे स्पष्ट झाल्याने पीडित मुलीच्या आईने पोलिसात धाव घेऊन तक्रार दिली. त्या आधारे पोलिसांनी नराधम आरोपी शालिक फकिरा तेलगी याच्या विरुद्ध गुन्हा दाखल केला आहे. पोलिस निरीक्षक यांच्या मार्गदर्शनाखाली तपास करीत आहेत.
सुत्राकडून प्राप्त माहितीनुसार अचानक पिढीत मुलीच्या पोटात दुखायला लागल्याने पिढीत मुलीच्या काकूने तिला हिंगणघाट शहरातील एका खाजगी रुग्णालयात उपचारासाठी नेले. यावेळी डॉक्टरानी तपासणी केली असता ही 15 वर्षीय मुलगी गर्भवती असल्याचे कुटुंबाला सांगितले. हे आयकताच त्यांच्या पायाखालची वाळू सरकली.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348 / 7385445348
