अनिल अडकीने सावनेर तालुका प्रतिनिधि
मो नं.९८२२७२४१३६
महाराष्ट्र संदेश न्युज ! ऑनलाईन सावनेर:- आय. एम. ए. हॉल सावनेर येथे क्षेत्रातील अग्रणी सामाजिक संस्था समर्पण फाऊँडेशन तर्फे सावनेर तालुक्यातील 20 युवकांचा पशु प्रहरी म्हणून सत्कार करण्यात आला. तालुक्यातील अश्या प्रकारचा हा आजपर्यंतचा पहिलाच आयोजन होते, जिथे गोवंशाची निस्वार्थ सेवा करणाऱ्यांच जाहीर कौतुक केल गेले. “सर्वलोकोपकारी गौमातेच संरक्षण, संवर्धन निश्चितच कौतुकास्पद सेवा कार्य आहे आणि हे करणाऱ्यांच्या पाठीशी मी कायम राहील” अशी ग्वाही कार्यक्रमाचे उद्घाटक डाॅ. राजीव पोतदार यानी आपल्या संबोधनात दिली.
दुध व दुग्धजन्य पदार्थांद्वारे मानव शरीराला आणि शेणखत रुपाने शेतीला पोषक तत्व प्रदान करणार्या गोवंशाच्या उपकारांची परतफेड मानव जातीने गोसंवर्धन आणि संरक्षणाच्या माध्यमातून करावी असं मत कार्यक्रमाचे अध्यक्ष डाॅ.विजयराव धोटे यानी व्यक्त केलं. समर्पण फाऊंडेशन, सावनेरचे अध्यक्ष अभिषेक मुलमुले यानी यावेळेस उपस्थित गोरक्षकांना पशु क्रुरता अधिनियम बाबत सविस्तर माहीती दिली. यावेळेस हिमांशु बटोले, चेतन हेलोंडे,उमेश शिंगणापूरे, शुभम ठाकूर, सागर खंगारे,योगेश सोनी इत्यादी गोरक्षकांना “पशु प्रहरी” सम्मान देण्यात आले.
या कार्यक्रमात समर्पण फाउंडेशनचे डाॅ.विलास मानकर, डाॅ. पोटोडे, श्री.विनोद बागडे, डाॅ. दाने, श्री. प्रविण नारेकर, श्री.अभिषेक गहरवार श्री.लाड इत्यादी सदस्य सहपरीवार तर श्री.राजु घुगल, मनीष चित्तेवान, राहुल शर्मा,विक्की ठाकूर व अनेक नागरिक उपस्थित होते. या कार्यक्रमाचं संचालन सोनु नवधिंगे व आभार प्रदर्शन तुषार उमाटे यांनी केले ,कार्यक्रमाच शेवट सर्व उपस्थितांनी राष्ट्रगान करुन केले.
