देवेंद्र सिरसाट, हिंगणा तालुका नागपूर प्रतिनिधी
महाराष्ट्र संदेश न्युज ! ऑनलाईन नागपुर:- विदर्भ ज्युनिअर कॉलेज टीचर्स असोसिएशन विज्युक्टा नागपूर सहविचार सभा व त्रैवार्षिक निवडणूक रावसाहेब ठवरे हायस्कूल व कनिष्ठ महाविद्यालय नागपूर येथे पार पडला.या निवडणुकीत डॉ.प्रा. नितीन देवतळे यांची नागपूर जिल्हा विज्युक्टा ग्रामीणचे अध्यक्ष म्हणून तर प्रा. आनंद नकाते यांची उपाध्यक्ष पदावर बहुमताने निवड करण्यात आली.
या कार्यक्रमाचे अध्यक्षस्थानी विज्युक्टा अध्यक्ष डॉ. अविनाश बोर्डे तर महासचिव अशोक गव्हाणकर, सहसचिव डॉ. अभिजीत पोटले उपस्थित होते. यावेळी निवडणूक निर्णय अधिकारी म्हणून प्रा. भाऊराव गोरे व डॉ. ज्ञानेश्वर गौपाले यांनी निवडणुकीचे कामकाज पार पाडले. या सभेला डॉ.अशोक गव्हाणकर यांनी मार्गदर्शन केले.
यावेळी नवीन कार्यकारिणीमध्ये सचिव प्रा.विवेक देशमुख, उपाध्यक्ष प्रा. दिपक गावंडे, कोषाध्यक्ष प्रा. राजेश आष्टणकर, संघटन सचिव प्रा. देवेंद्र केदार, प्रसिद्धी प्रमुख प्रा. अनंता ज्ञानेश्वर बुऱ्हान, सहसचिव प्रा. चंद्रकांत यशस्वी सायरे, प्रा. धनंजय झळके, प्रा. सरदार राठोड, प्रा. ताराचंद चव्हाण, महिला प्रतिनिधी सहसचिव डॉ. ज्योत्स्ना केने, कार्यकारी सदस्य प्रा.जितेंद्र ठाकरे, प्राध्यापक वीरेंद्र बागडे, प्रा. रमेश धोंडे, प्रा. सौरभ बनसोड, प्रा.अरविंद राठोड, प्रा. परेश देशमुख, प्रा.राहुल बनसोड, प्रा. जुनेद अहमद, प्रा.अब्दुल हकीन, महिला प्रतिनिधी डॉ.किरण पेठे यांची एकमताने निवड करण्यात आली.
यावेळी नवनियुक्त सर्व कार्यकारणी सदस्यांचे विज्युक्टा अध्यक्ष व महासचिव यांनी स्वागत व अभिनंदन केले. सदर कार्यक्रमाला नागपूर ग्रामीण भागातून कनिष्ठ महाविद्यालयीन शिक्षक मोठ्या संख्येने उपस्थित होते. या कार्यक्रमाचे संचालन प्रा. जितेंद्र ठाकरे, प्रास्ताविक डॉ. नितीन देवतळे आणि आभार प्रा. श्रीकांत पागृत सर माजी अध्यक्ष नागपूर ग्रामीण यांनी मानले.