प्रविण जगताप, वर्धा उपजिल्हा प्रतिनिधी
मो . 9284981757
महाराष्ट्र संदेश न्युज ! ऑनलाईन हिंगणघाट:- महाराष्ट्र शासनाने नुकतेच हिवाळी अधिवेशनात वर्धा जिल्ह्याला मंजूर झालेले शासकीय वैद्यकीय महाविद्यालय हिंगणघाटलाच होईल असे उपमुख्यमंत्री देवेंद्र फडणवीस यांनी घोषित केले. त्यामुळे मागील २१० दिवसापासुन सुरु असलेले हिंगणघाट शासकीय वैद्यकीय महाविद्यालय संघर्ष समितीचे विविध प्रकारचे धरणे आंदोलन तात्पुरते स्थगित करण्यात आले.
या कार्यात संघर्ष समितीला सर्व जनतेचे, राजकिय पक्ष, स्वयंसेवी संस्था, पत्रकार, विद्यार्थी यांचे सहकार्य लाभल्याने दबाव वाढतच गेला. शेवटी आमदार समीर कुणावार यांना याची दखल घेऊन नागपुर हिवाळी अधिवेशनात विधानसभेच्या पायर्यावर बसुन आंदोलन केले होते. स्थानिक जनतेचे आंदोलन आणि जनरेट्यामुळे शासनाला हिंगणघाटकरांंची मागणी पूर्ण करावी लागली.
त्यामुळे हिंगणघाट शासकीय वैद्यकीय महाविद्यालय संघर्ष समितीने हिंगणघाट शहरातून रैली काढुन सर्व जनतेचे जाहिर आभार मानले व पुन्हा आपले उद्दिष्ट गाठण्यासाठी कर्तव्य बजावण्यास कामाला लागले.
आज जिल्हाधिकारी वर्धा यांना वैद्यकीय महाविद्यालयाकरिता कोणती जागा उपयुक्त ठरेल याची माहिती देण्याकरिता संघर्ष समितीचे कार्याध्यक्ष वासुदेव पडवे, अध्यक्ष सुनील पिंपळकर, सचिव सुरेंद्र टेंभुर्णे, सहकार्यवाह जगदिश वांदिले, राष्ट्रवादी काँग्रेसचे जिल्हाध्यक्ष सुनील राऊत, माजी आमदार प्रा.राजु तिमांडे, प्रदेश सरचिटणीस अतुल वांदिले, माजी नगराध्यक्ष पंढरी कापसे, माजी नगरसेवक सतीश धोबे, अमित रंगारी, दिपाली रंगारी, सुजाता जांभुळकर, अक्षय बेलेकर इत्यादी मान्यवर उपस्थित होते.
यावेळी मौजा पिंपळगाव, संत तुकडोजी वार्ड हिंगणघाट येथील उपजिल्हा रुग्णालयाच्या परिसरातील जागेची माहिती देऊन सातबारा सादर केला. सर्व्हे नंबर नुसार पुढिलप्रमाणे जागा उपलब्ध आहे. सर्व्हे नंबर 181= 202 हेक्टर, नं. 182 = 1.62 हेक्टर, नं.185 = 3.44 हेक्टर, नं. 186 = 3.10 (वनविभाग), नं. 194=1.94 हेक्टर, नं. 195 = 79 हेक्टर अशी एकूण 12.91 हेक्टर महाराष्ट्र शासनाची जागा शहरीभागात उपलब्ध आहे व राष्ट्रीय महामार्गालगत असुन बसस्थानक व रेल्वेस्थानक फक्त 1 किलोमिटर अंतरावर असल्याने सर्व दृष्टीने सोयीची आहे. शिवाय या परीसरात नगरपालिकेची जागा उपलब्ध असल्याचे सांगण्यात आले.
