राज शिर्के, मुंबई शहर प्रतिनिधी
महाराष्ट्र संदेश न्युज ! ऑनलाईन मुंबई:- देशात लागू करण्यात आलेल्या नवीन हिट अँड रन कायद्याच्या विरोधात वाहतूकदार आणि ट्रकचालक संपावर गेले आहेत. त्यामुळे शहरातील पेट्रोल पंप बंद असतील म्हणून पेट्रोल आणि डिझेलच्या तुटवडा निर्माण होऊ शकतो अशा बातम्या मिळत आहेत. त्यामुळे वाहनचालक पेट्रोल, डिझेल भरण्यासाठी पेट्रोल पंपावर येताना दिसत आहे. त्यामुळे शहरातील पेट्रोल पंपावर गर्दी दिसून येत आहे.
देशात लागू करण्यात आलेल्या नवीन हिट अँड रन कायद्याच्या विरोधात वाहतूकदार आणि ट्रक चालक संपावर गेले आहेत. त्यामुळे शहरातील पेट्रोल पंप बंद असतील म्हणून पेट्रोल आणि डिझेलच्या तुटवडा निर्माण होऊ शकतो अशा बातम्या मिळत आहेत. त्यामुळे वाहनचालक पेट्रोल, डिझेल भरण्यासाठी पेट्रोल पंपावर येताना दिसत आहे. त्यामुळे शहरातील पेट्रोल पंपावर गर्दी दिसून येत आहे.
केंद्र सरकारने भारतीय न्यायिक संहिता २०२३ मध्ये सुधारणा केल्यानंतर नवीन मोटार वाहन कायद्यानुसार अपघातास जबाबदार असलेल्या ट्रकचालकास १० वर्षांच्या तुरुंगवासाच्या शिक्षेची तरतूद करण्यात आली आहे. याशिवाय ७ लाख रुपयांचा दंडही ठोठावण्यात येणार आहे. दरम्यान, या कायद्याचा देशभरातून निषेध होत असून ट्रक आणि टँकर चालकांनी थेट संप पुकारला आहे. अशा परिस्थितीत बीपीसीएल, एचपीसीएल आणि इंडियन ऑईल या तीन कंपन्यांना पेट्रोल आणि डिझेलचा पुरवठा करणाऱ्या टँकर चालकांनीही हा नवा कायदा रद्द करण्याच्या मागणीसाठी तीन दिवसांचा संप पुकारला आहे.ज्यामध्ये टँकर चालक १ ते ३ जानेवारी दरम्यान संपावर गेले. त्यामुळे पंप बंद राहण्याच्या भीतीपोटी वाहन धारक पेट्रोल-डिझेल भरण्यासाठी पंपांवर रांगा लावत असल्याचे पाहायला मिळत आहे.
भंडारा महामार्गावर सोमवारी सकाळी ट्रक चालकांच्या निदर्शनामुळे रस्त्याच्या दुतर्फा मोठी वाहतूक कोंडी झाली होती. वास्तविक, हे ट्रकचालक केंद्र सरकारच्या नव्या निर्णयाविरोधात आंदोलन करत असून, अपघातानंतर जखमींना मदत न करता पळून जाणाऱ्या चालकांवर फौजदारी गुन्हा दाखल करण्यात येणार असल्याचे सांगण्यात आले आहे. ट्रक चालकांच्या या निदर्शनानंतर पारडी परिसरात मोठा पोलीस बंदोबस्त तैनात करण्यात आला होता. त्यामुळे काही काळ तणावाचे वातावरण निर्माण झाले होते.
