उषाताई कांबळे सांगली शहर प्रतिनिधी
महाराष्ट्र संदेश न्युज ! ऑनलाईन बुलढाणा:- चंद्रपूर जिल्ह्यातील भद्रावती येथे काही समाज कंटकाकडून ऐतिहासिक बुद्ध लेणी टेकडीवरील भगवान तथागत गौतम बुद्धाच्या पुतळ्याची विटंबना झाल्याची घटना सोमवारला पहाटेच्या वेळी उघडकीस आली असता तथागत ग्रुपच्यावतिने या घटनेचा मेहकर येथे निषेध व्यक्त करीत मेहकर येथे तहसीलदार यांना निवेदन दिले.
या संतापजनक घटनेनंतर आंबेडकरी आणि बौध्द समाजात मोठ्या प्रमाणात संताप दिसून येत आहे. त्यामुळे अशा समाज कंटकावर कारवाई करण्यात यावी म्हणून मेहकर येथील तहसीलदार यांच्या मार्फत महाराष्ट्राचे मुख्यमंत्री व गृहमंत्री महाराष्ट्र राज्य मंत्रालय मुंबई यांना निवेदन सादर करण्यात आले आहे.
सदर ऐतिहासिक बौद्ध लेणी टेकडीवर भगवान तथागत गौतम बुद्धाचा पुतळा होता. टेकडीवर हा पुतळा असल्याने तो सहज पणे दिसायचा. घटनेच्या दिवशी या परिसरात पहाटे फिरणाऱ्या काही व्यक्तींना हा पुतळा न दिसल्याने त्यांनी टेकडीवर जाऊन पाहणी केली असता पुतळ्याची तोडफोड झाल्याची आढळून दिसुन आली आहे आशा समाजकंटकांचा शोध घेऊन योग्य ती कार्यवाही करण्याकरीता मेहकर येथील तहसीलदार यांच्यामार्फत निवेदन सादर केले या घटनेतील दोषी समाजकंटकांचा शोध घेऊन त्यांचेवर कठोर कारवाई करण्याची मागणी तथागत ग्रुप महाराष्ट्र राज्य संघटनेच्या वतीने करण्यात आली आहे अन्यथा संपुर्ण भारत भर तिव्र छेडण्यात येईल. अशा इशारा प्रशासनाला देण्यात आला आहे.
यावेळी तथागत ग्रुप महाराष्ट्र राज्य संघटनेचे संस्थापक अध्यक्ष संदिप गवई, कुणाल माने, गौतम नरवाडे, अख्तर कुरेशी, राधेशाम खरात, दुर्गादास अंभोरे, महादेव मोरे, सुधाकर वानखेडे, देवानंद अवसरमोल, सचिन गवई आदी तथागत ग्रुपचे समस्त पदाधिकारी व सदस्य उपस्थित होते.
